مصری مُلا یوسف قرضاوی ءَ فرانس ءَ آیگ ءِ اجازت ءَ نہ دئیں۔نکولس سرکوزی
Monday, March 26, 2012
قائرہ: فرانسیسی صدر نکولس سرکوزی ءَ گُشتگ مصری مُلا یوسف قرضاوی ءَ ھچ وڑا ماں فرانس ءَ آیگ ءِ اجازت دیگ نہ بیت۔ یوسف قرضاوی مصری ملائی کہ آ مصری ملایانی گل ”اخوان المسلمین” ءَ سیادی داریت۔ آ فرانسی اسلامی گلانی نیمگ ءَ برجم داشتگیں یک اسلامی مراگشے ءَ دعوت دیگ بیتگ۔ سرکوزی ءَ گُشتگ یک مصری جاھمنندیں الجزائری ناشرکاری ءَ فرانس ءِ روکپتی زرگوری شھری ءَ تیرگواری کُتگ ءُ ھپت مردم کُشتگ اَنت، پولیس ءَ کاروائی کُتگ ءُ ناشرکار دزگیر کُتگ۔ بازیں پٹ ءُ پول ءَ چہ ھمے نشوندھی رستگ کہ اے الجزائری ناشرکار ”محمد مراح” ءَ پاکستان ءَ ناشرکاری ءِ ٹریننگ کُتگ۔
سرکوزی ءَ قطر ءِ امیر ھال دیان ءَ گُشتگ کہ مصری مُلا یوسف قرضاوی فرانس ءِ آیگ ءِ اجازت دیگ نہ بیت۔ سرکوزی ءِ ردا مصری مُلا قطر ءِ سفارتی پاسپورٹ ءِ وسیلت ءَ فرانس ءَ آیگ لوٹیت۔ فرانس ءِ اے کرد ءِ سرا مزن ھور ءِ بازیں اسلامی رھشوناں نہ وشی درشان کُتگ۔ مصری اسلامی شھدرجاہ الازھر ءِ باسکے ءِ گُشگ ءِ ردا اے باز دلپدردیں گپے، پرچا کہ یوسف قرضاوی ءَ کدی ھم اسلامی بنیادپرستی ءِ پلہ مرزی نہ کُتگ۔ فرانس یک مسلمان ناشرکاری یے زھر ءَ سرجمیں اسلام ءِ سرا درشانگ اِنت۔
Comments[ 0 ]
Post a Comment