بام ھال ءَ شنگ بوتگیں اُردو آرٹیکل ٹوھیں ردی یے ، شونکار
Monday, March 26, 2012
بام ھال : بام ھال ءَ شنگ بوتگیں قاضی ریحان ءِ اُردو نوشتانک سکیں ٹوھیں ردی اِنت ، بام ھال ایوک پہ بلوچی زبان ءِ دیمروی ءَ شنگ کنگ بوگ ءَ اِنت ۔ نوشتہ کار ءُ ایڈمناں گوں ترندی ءَ کڈن کن آں کہ اے رنگیں تکنیکی ردیانی ھیالداری بہ کن اَنت ۔اے ھبر بام ھال ءِ بنکی وب تاک ءَ بیست ءُ پنچ مارچ ءَ شنگ بوتگیں قاضی ریحان ءِ اُردو نوشتانک ءِ شنگ بوگ ءِ سر ءَ دلگوش دیان بام ھال شونکار ءَ گوں بام ھال ءِ ھمکاراں کرتگ ۔آئی ءَ گْوشتگ کہ اے ھبر ءَ شکے نیست کہ اے یک تکنیکی ردی یے بلے دلگوش دیگ المی اِنت داں دومی رند ءَ چوش مہ بیت ءُ اے اڈمنانی ھم ذمہ واری اِنت کہ آ زوت دلگوش بہ دئے اَنت ءُ اُردو نکاناں توری پہ ردی شنگ کنگ بہ بنت یا پہ زانت بے جست ءَ ڈیلیٹ بہ کن اَنت ۔آئی ءَ اے ردی ءِ سر ءَ بام ھال ءِ وانوک ءَ گوں پھلی ھم لوٹ اِتگ ۔ 
Comments[ 0 ]
Post a Comment