گیشتر وانگ بوتگیں
مُلا ، پاکی فوج ءُ عمران خان یکدست اَنت۔ سلمان رُشدی
Sunday, March 25, 2012
نیو دھلی: برٹش گدار نویس، ندکار سلمان رشدی ءَ گوستگیں ھپتگ ءَ ”انڈیا ٹوڈے نامیں مراگشے ءَ تران کنان ءَ گُشتگ کہ ”پاکستان تحریک انصاف” ءِ سروک عمران خان گوں پاکی مُلا ءُ پاکی فوج ءَ ھمگرنچ ءُ ھم شور اِنت۔ سلمان رُشدی ءَ عمران خان ءِ سرا زھر درشان کنان ءَ گُشتگ کہ عمران خان ءِ بد ڈولیں دیم گوں لیبیا ءِ پیشی زوراکیں صدر کرنل قذافی ءَ ھم دروشم اِنت۔ اگاں آیوکیں وھد ءَ قذافی ءِ سرا ”تامرے” اڈ دیگ بہ بیت تہ قذافی ءِ کرد ءِ پیشدارگ ءَ عمران خان زیرگ بہ بیت گُڑا تامر باز براھدار بیت۔ عمران خان ءَ سیاست ءَ چہ ابئید ھمے فلم ءَ ”اداکاری” کنگ لوٹیت، سلمان رُشدی ءَ گُشتگ اسلامی بنکی لیکہ ءَ چہ منی سوب ءَ تاوان نہ رَستگ۔ بلکیں اے تاوان ھما مُلا ءُ نام گِپتیں مسلمانانی سوب ءَ رستگ کہ آھاں ”لشکر طیبہ” اڈ داتگ ءُ بھارت ءِ شھرانی سرا ارش ءَ آھانی دست مان اِنت، اسلام چہ ھمایانی سوب ءَ تاوان چِست کنگ اِنت کہ آھاں ”اسامہ بن لادن” ءِ وڑیں عالمی دھشت گرد پناہ داتگ اَنت۔
Comments[ 0 ]
Post a Comment