بیست ءُ ھپت مارچ ءِ سیاھیں روچ، بی۔این۔ایف ءِ جار ءِ پدا سرجمیں بلوچستان ءَ ھڑتال۔
Tuesday, March 27, 2012
بام: بلوچ راج گلانی(بی۔این۔ایف) ءِ جار ءِ پدا ءَ مرچی بلوچستان ءِ بازیں دمگاں دربندیں ”ھڑتال” کنگ بیتگ۔ ھالانی ردا کیچ ، پنجگور ، گوادر ءُ منداں دکان ءُ سرکاری ءُ السی کارجاہ بند بیتگ اَنت۔ خضدار ءَ ”بلوچ اسیران کمیٹی ءِ جار ءِ پدا ھم زھرشانی کنگ بیتگ۔
بیست ءُ ھپت مارچ پہ بلوچ ءَ ھما سیاھیں روچ اِنت کہ اے روچ ءَ رودرتکی بلوچستان ءِ آزادیں بستار ھتم کنگ بیتگ ءُ گوستگیں شست ءُ شش سال اِنت بلوچ ءِ کُشت ءُ کوش برجاہ اِنت۔ وھدیکہ روکپتی بلوچستان ءِ سرا رضا شاہ ءِ لشکر ءَ 1928 ءَ ارش بندات ءُ کتگ ءُ ھمے سال ءِ گُڈسرا امیر دوست محمد خان دزگیر کُتگ ءُ روکپتی بلوچستان قبضہ کُتگ۔ ایشی ءَ چہ پیش نوزدھمی کرن ءِ گُڈی سالاں انگریز ءَ پندل کُتگ ءُ بلوچستان ءِ شمالی صوبہ گوں اوغان ءَ ھوار کُتگ۔ یونائیٹڈ بلوچستان ءِ مربع زمین شش لکھ نود ھزار کیلو میٹر اِنت ۔ سئے لکھ پنجاہ ھزار کیلومیٹر پاکستان ءَ ایردست کُتگ ءُ دو لکھ ءُ ھشتاد ھزار ایران ءَ ایردست کُتگ، ءُ وھدیکہ شست ھزار کیلو میٹر اوغان ءَ دیگ بیتگ۔
Comments[ 0 ]
Post a Comment