پنجگور چتکان ءَ ایف سی ءِ سرا اُرش بوتگ ،3 مُرتگ بازینے ٹپّی اِنت

بام ھال(پنجگور) ھالانی ردءَ مرچی بیگاہءَ پنجگور ءِ دمگ چتکان ءَ گرؤنڈے کشءَ بلوچ سلاہ بندیں سرمچاراں پاکستانی ایف سی ءِ گاڑی ءِ سرا اُرش کُتگ چہ اے اُرش ءَ پاکستان ءِایف سی 3 کارندہ مُرتگ ءُ بازینے ٹپّی بوتگ ،پدا پاکستانی ایف سی کارندہ بازیں تیر گواری ئے کُتگ بلے سرمچار رکّھتگ اَنت ،اے اُرش بلوچ سلاہ بندیں گل ( بی آر اے ) ءَ کُتگ اے گپ بی آر اے ءَ وتی ٹیوٹر ءَ گُشتگ ءُ او دنیا سرپدی داتگ کہ بلوچ ھمے وڈ ءَ وتی اُرشاں برجاہ دار اَنت تنکہ بلوچستانءِ آزادیءَ ، یاد بہ بیت ، مرچی ءَ چہ 64 سال ساری ھمے روچ۔ بزان کہ 27 مارچ 1948 ءَ پاکستان ءَ بلوچستان ءِ سرا قبضہ کُرتگ، چہ قبضہ گیریءَ رند بلوچ وتی آجوئی ءِ واستہ جنگءَ اَنت