پہ اوگانستان ءِ ایمنی ءُ جنگ ءِ دارگ ءَ امریکن کانگریس ءِ باسک ءَ آزاد بلوچستان ءِ پلہ مرزی کرتگ
Thursday, January 26, 2012
واشنگٹن :چَہ ٹیکساز ھنکین ءَ امریکن جھگیردیوان (ھاوس آف ری پریزینٹیو/ ایون نمائندگان)ءِ باسک ءُ ری پبلیکن پارٹی ءِ راھشون لیوس گھمرٹ ءَ اوگانستان جنگ ءِ سر ءَ وتی سوج داتگ ءُ گوشتگ کہ امریکہ ھما وھد ءَ اوگانستان ءِ جنگ ءَ کٹ اِت کنت کہ بلوچستان آجوکنگ بہ بیت ۔ بیست ءُ پنچ جنوری ءَ کینیڈا، فرانس ، انگلینڈ ءُ امریکہ ءَ یکیں وھد ءَ شنگ بیوکیں ھالتاک ھپنگٹن پوسٹ ءَ امریکن گانگریس ءِ دیوان ءِ تہ ءَ گپ ءَ پد اے ھال شنگ کرتگ کہ امریکن جھگیر دیوان ءِ باسک لیوس گھمرٹ ءَ امریکن سرکار ءِ کماش اوباما ءَ گوں اوگانستان ءِ جنگ ءُ امریکہ ءِ دیمتر ءِ راھبند ءُ شورانی سر ءَ جست ءُ پرس کرتگ ۔ آئی ءِ جست ءُ پرسانی شنگ بوتگیں چل ءُ شش سیکنڈ ءِ ویڈیو ءِ تہ ءَ آ ھمے گوشگ ءَ اِنت کہ ما شمالی اتحاد ءِ سلاہ بند کنگ ءَ ابید کہ اوگانستان ءِ شست ءُ پنچ در سد ھمیشاں گون اِنت ءُ دومی اے کار ءِ کہ پاکستان ءِ زرباری نیمگ ءَ بلوچستان ءَ جوڑ بہ کن اِیں اوگانستان ءِ جنگ ءَ سوبمند بوت نہ کن اِیں ۔ آ اُود ءِ مردم مارا دوست دار اَنت ءُ مئے شرتریں سنگت ءُ جوانتریں ھمراہ بوت کن اَنت ۔ بلوچستان آ درسیں کمکاں داشت کنت کہ چَہ سیمسراں طالباناں سر بوگ ءَ اَنت ۔واجہ گھمرٹ ءَ اوباما سرکار سک ایرجتگ ءُ گوشتگ کہ آئی ءِ شور اوگانستان ءَ درد ورگ ءَ نئے اَنت ۔ گھمرٹ ءَ وتی بلاگ ءِ تہ ءَ ھم نوکیں ویڈیوے شنگ کرتگ ءُ بلوچستان ءِ آجوئی ءِ گپ ئِے جتگ ۔
بنگپ:
جھان,
گچینی ھال
انشاءاللہ اگر خدا زضا بہ بیت و مرگ آمین بہ کنات انت.
ReplyDeleteبلوچستان یک روچے حتمان آزات بیت.
inshalla zarroor,
ReplyDeletemay eman ent shaeedani hon yak na yak roche zaroor rang kaaree. jawanani qurbani barkata balochistan yak roche azad bae o ea shaetane riasat wajaha dunya deshat gardee shekar ent eshe wasta mianustmani takta baaz zoot faisla kanag loote. o ea kitha ha deshat gardi katam kanag wasta azad balochistan zarori ent,
ghaffar baloch germany