ڈاکٹر فیاض مستوئی پجارگ نہ بوتگیں مردماں آوار جتگ ' بلوچ ڈاکٹر فورم

شال : بلوچ ڈاکٹر فورم ءَ وتی بنجاھی بیان ءِ تہ ءَ گْوشتگ کہ یک ھپتگے پیش چَہ ڈیرہ مراد جمالی ءَ شپ ءِ  دوازدہ بج ءَ ڈاکٹر فیاض مستوئی پجارگ نہ بوتگیں مردماں آوار جتگ کہ دنیگت بیگواہ اِنت۔  سرکار پہ آئی ءِ پدرائی ءَ گامگیج بہ زور اِیت ۔ڈاکٹرانی آوار جنگ ءُ کشگ ھمروچیگیں کارے جوڑ بوتگ سئے ڈاکٹر چَہ ایشی ءَ پیش بیگواہ اِنت ۔ شھید پروفیسر ڈاکٹر مزار خان بلوچ ءِ کشندہ دنیگت دزگیر کنگ نہ بوتگ ۔ ڈاکٹر فیاض ءِ کھول اے درگت ءَ سک بے تاھیر ءُ بے چاڑ اِنت ۔