آواری ئیں بلوچ ءُ چیریں ادارھانی انسانی حقانی لگتمالی ءِ کارپدانی پدرائی ءَ ھرچ رنگیں گامگیج زور اِیں ' ماماقدیر

شال : بلوچ مسنگ پرسنز ءِ وائس چیئرمین ءُ شھید جلیل ریکی ءِ کماش ماما قدیر ءَ شھید جلیل ریکی ءِ پرس ءِ پتر ءَ اَتکگیں مردم ءَ گوں گپ جنان ءَ گْوشتگ کہ چَہ چیریں ادارھانی نیمگ ءَ بلوچ سیاسی جھدکارانی آوار جنگ گونگیں دزگیری ءُ دزگیری ءِ میان ءَ جنگ چوپگ ءَ پد کشگ ءُ آھانی میتاں ڈن ءُ گیاباں دور دیگ ءِ دْرچ برجاہ اِنت. پہ ھمیشی ءِ ایرجنگ ءَ آواری ئیں بلوچانی کھول ھرجاپ کنگ ءَ اَنت بلے چَہ ایشی ءَ ابید ھم اد ءَ جوڑ بوتگیں دادرسیں ادارہ سرجمے ءَ تْرک ءُ نک اَنت ایشی ءَ ما ایر جن اِیں ۔ آئی ءَ گْوشتگ کہ من ءَ وتی بچ ءِ شھادت ءِ سر ءَ پھر اِنت ءُ ما آوار جتگیں بلوچ ءُ چیریں ادارھانی انسانی حقانی لگتمالی ءِ کارپدانی پدر کنگ ءَ ھرچ رنگیں گامگیج زور اِیں ۔ آئی ءَ گْوشتگ کہ ما تپاکیں راجانی گل ءُ انسانی حقانی پانکجنیں میان اُستمانی گل ءَ گوں لوٹ کن اِیں کہ آ پہ بلوچ ءِ چکچین کنگ ءِ کارءِ دارگ ءَ دلگوشگور بہ کن اَنت ۔