بلوچ سرزمین ءِ پلمال ءَ پٹھان وت ءَ مان مہ دئے اَنت ' خیبر پختونخواہ ءِ ماری گیس کپمنی ءِ سئے کارندہ انسانی ھمدردی ءِ بنچک ءَ یلہ داتگ ' بی ایل اے

شال : بلوچ سرمچارانی نامی ئیں گل بلوچ آجوئی لشکر [ بلوچ لبریشن آرمی - بی ایل اے ] ءِ جارکش میرک بلوچ ءَ  گْوشتگ کہ مئے سرمچاراں گْوستگیں شپ ءَ اشکر ءِ لٹ پل کنوکیں چار مردم کشتگ ءُ ما اے ذمہ وار ی ءَ من اِیں ۔ چَہ پنجاب ءَ سیادی داروکیں ھچ کس ءَ وتی سرزمین ءِ مڈیانی لٹ پل ءِ اجازت نہ دئے اِیں ھما مردم کہ لٹ پل ءِ تہ ءَ ھوار اَنت آھاں ھم زوت ڈنڈ دیگ بیت ۔ آئی ءَ اے ھبر گوں این این آئی ءَ گْوشتگ اَنت ۔ آئی ءَ گْوشتگ کہ ماری گیس کمپنی ءِ سئے کارندہ یلہ کرتگ ۔انسانی حقانی پانکجنیں کمیشن ءِ دزبندی ءَ اے سئے مردم کہ  خیبرپختونخواہ اُستان ئیگ اَنت یک گیش اِتگیں کلوے ءَ گوں یلہ داتگ اَنت کہ پشتون  بلوچ سرزمین ءِ سر ءَ بیوکیں زورگرانی جبراکیں کارپدانی تہ ءَ ھوار مہ بنت اگاں چَہ ایشی ءَ پد آ ریاستی کارپدانی تہ ءَ کمکار ءُ ھمگام گندگ بوت اَنت گڑا آ ریاست ءِ بھر منگ بنت نہ کہ پشتون راج ءِ ءُ گوں آھاں ھما رنگ ءَ کنگ بیت کہ گور ریاستی کارندھاں کنگ بیت ۔ بلوچ سرزمین ءِ سر ءَ بیوکیں جنگ ءِ تہ ءَ ریاستی ھمدردی ءِ پالیسیاں ھمدپ داتگیں یک پشتون راجدوستے ءِ بیان ریاست ءِ کاسگ چٹی ءُ مزءِ ھلارکنگ ءَ ابید دگہ ھچ نہ اِنت ۔ اگاں اے گل ءَ ھب ھست کہ جنگ ءِ تہ ءَ مان بہ  دنت گڑا مارا ھچ رنگیں ایرادے نیست اے زورگریں ریاست ءُ پہ آئی ءِ کارندھاں ءَ گوں ھمدردی کنگ ءِ ھچ رنگیں جوازے نہ اِنت ۔ پشتون سرزمین ءِ تہ ءَ دزمانجنی ءُ دراندازی رنگیں گالانی کارمرد یک گیش اِتگیں پشتون زمینے ءِ بوگ ءِ پژدر ءَ ملنڈ اِنت ۔یک زورگریں بلوچ ءُ پشتون سرزمینے ءِسر ءَ زورگر ءِ مذھب ءُ پاکستانی راج ءِ کارپداں وت ءَ پھازگ ءِ بنچک ءَ اے رنگیں ھبر سیاسی بے بودی ءِ نشانی اَنت ۔