گیشتر وانگ بوتگیں
عمران خان ءِ سونامی پنجاب ءَ کئیت،بلوچستان ءَ ھچ بستارے نہ داریت، صدیق بلوچ
Tuesday, December 27, 2011
کوئٹہ: بلوچ احوالکار صدیق بلوچ ءَ ھندی بلوچی چینل ءَ تران کنان ءَ گوشتگ کہ عمران خان ءَ کہ اینکہ مردم یک جاہ کُتگ بلوچانی سرا بیتگیں زُلم و زوراکیانی معافی ئے گپ ءَ جنگ اِنت،، اے سرجم سرکاری مردماں او سرکار ءِ گوشگ ءِ پدا یکجاہ بیتگاں، اے مرد ءَ اسٹبلشمنٹ نواز شریف ءُ پی۔پی۔پی ءِ دیمگیری ءِ ھاترا دیم ءَ آرگ لوٹیت، اے مرد ءِ سونامی پہ بلوچستان ھچ وڑیں بستاری نہ داریت،، اے دُراہ سرکاری مردماں ، سرکار ءِ گوشگ ءِ پدا یکجاہ بیتگاں، عمران بلوچ قوم ءَ ریپینگ لوٹیت،، آئی ءَ گوشتگ گپ کہ بلوچستان ئیگ انت تا بلوچستان ءَ ھچ سیاسی پارٹی سرکار ءِ بھر نہ اَنت،، اے کہ اُگدہ ءِ سرا آرگ بیتگ اَنت، اے سیاسی مردم نہ اَنت، بی۔این۔پی عوامی بہ بیت یا آ دگہ اے ھچ سیاسی مردم نہ اَنت، ناکہ ایشاں سیاسی سنچ جنت، اے سرکار ءَ زور آؤرتگ اَنت،، وھدیکہ بی۔این۔ایم ءِ رھشون ڈاکٹر منان بلوچ ءَ گوشتگ عمران خان کجام معافی ئے گپ ءَ جنت ، وھدیکہ آ بلوچستان جیڑہ ئے جند ءَ سرپد نہ اِنت،، بلوچ راج ءِ جنگ قومی آجوئی ءِ جنگ انت،، اے معافی چہ کُجا ؟؟ اے مرد ءِ وتی گپانی تھا تضاد اَست، پیش ءَ اے مرد ءَ وت گوشتگ کہ ماں بلوچستان ءَ ھمینکہ زُلم بیئگ انت من اگاں بلوچستان ءِ نندوکی بیتیناں تا آجوئی واستہ تپنگ چست کُتگ اَت۔۔
Comments[ 0 ]
Post a Comment