سندھو دیش لبریشن آرمی ءَ ٹپ ما ٹپ ءَ حیدرآباد ، محراب پور ءُ نوابشاہ ءَ ریلوے ٹریک گوں تراکناں سستگ اَنت

نوابشاہ : سندھو دیش لبریشن آرمی ءَ حیدر آباد ، نوابشاہ ءُ محراب پور ءَ ریلوے ٹریک یک پہ یک گوں تراک کنیں مواداں تاوانبار کرتگ اَنت ۔ھالانی رد ءَ حیدر آباد ءِ حسین آباد ریلوے اسٹیشن ءَ ھم دو تراک بوتگ چَہ ایشی ءَ ٹریک ءِ لھتیں بھر ءَ تاوان رستگ ۔محراب پور ءَ ھم ڈائون لنک ٹریک ءِ سر ءَ دو تراک بوتگ ھمے پیم نوابشاہ ریلوے اسٹیشن ءِ گور ءَ اپ ءُ ڈائون لنک ٹریکانی سر ءَ ٹپ پہ ٹپ دو تراک بوتگ چَہ اے تراکاں ٹریک داں فٹ فٹے ءَ سستگ اَنت ۔ نواب شاہ ءِ ڈی ایس پی اعجاز میمن ءَ گوشتگ کہ چَہ تراکانی جاہ ءَ سندھو دیش لبریشن آرمی ءِ پمفلٹ دست کپتگ  پمیشکا گمان اِنت کہ اے تراکانی تہ ءَ ھمے نام گیپتگیں گل ءِ دست مان بیت ۔