چَہ دژمن ءِ سرگنوکیاں پدر اِنت کہ ناکو خیربخش رنگیں جھدکار آئی ءِ بنپداں نزور کرت کن اَنت ' بی این ایم

شال : بلوچ نیشنل موومنٹ ءِ جارکش ءَ گوشتگ کہ بی این ایم آوارن ھنکین ءِ کارمستر ناکو خیربخش ءِ شھید کنگ دژمنءِ  بے تاھیری ءُ سرگنوکی ءَ درا کنت بلکیں اے ھبر ءِ ھم منگ اِنت کہ ناکوخیر بخش گونگیں سیاسی ءُ آشوبی جھدکار دژمن ءِ بنپداں نزور کرت کن اَنت ۔ خیر بخش ءَ پارٹی ءِ آ دگہ باسک پر ھاٹیگ کرتگ اَنت ۔ گوں مھکمی  ءُ کسانی سالی ءَ ھم پہ راج ءَ راھشونی ءِ ذمہ واری پیلو کنگ بنت ۔ ناکوخیر بخش ءَ وتی کھول ءُ ذاتی گزر ندر کرتگ ءُ پارٹی ادارھانی مھکم کنگ ءَ کارکرتگ آئی ءَ کسانیں مدتے ءَ پارٹی ھنکین ءِ تہ ءَ ترام اِتگ ۔آئی ءِ ھذمت ءُ تکانسریانی برورد ءَ جاھو ءَ سوبمندیں کنونشن بوتگ چَہ کنونش ءَ دژمن ءِ سرپانی تہ ءَ بے تاھیر گیش بوتگ مروچی پارٹی انچوش مھکم بوتگ کہ دژمن ءُ آئی ءِ کاسگ چٹ ترسگ ءَ اَنت ۔ناکوخیر بخش پارٹی مھکم کرتگ ءُ آئی ءِ ندریگ ھم پہ پارٹی ءَ درونت اِنت ۔ پارٹی ءِ باسک آئی ءِ داتگیں آشوبی راھبندانی سر ءَ وتی جھد ءَ تیز بہ کن اَنت ۔