بیت کنت کہ ذاکر مجید ءَ ھم بہ کش اَنت میان اُستمانی تک بلوچانی کشت ءُ کشار ءِ دارگ ءَ مادنیں گامگیج بہ زیر اَنت ' بی ایس او آزاد

شال : بی ایس او آزاد ءِ بنجاھی جارکش ءَ گوشتگ کہ بی ایس او آزاد ءِ بنجاھی راھشون ذاکر مجید ءِ پاکستانی چیریں ادراھانی دست ءَ آوار جنی ءُ دنیگت در نہ کپگ ، سداں بلوچ پسگانی آوار جنگ ءَ پد ءُ دگی ھزارھاں کماش ، ورنا ، ءُ زھگانی شکجنہ جاھاں لٹ ءُ کٹانی دیمپانی کنگ ءَ ابید ھم بلوچ ورنا راجی جھد ءِ درچ ءَ برجاہ داراں زورگرءِ مول ءُ مراداں ھاکاں آواع کنگ ءَ اَنت ۔ جارکش ءَ گوشتگ کہ راجی زرمبش پہ زور ھلاس کنگ ءِ پگر جنوک بیھ سوبمندنہ بوتگ بے سلاہ ءُ دست ءُ گوشیں جھدکار ءُ راھشونانی آوارجنگ ءَ پد شھید کنگ اے پاتراپ دیگ اِنت کہ بلوچ ورنا چَہ زرمبش ءَ دستکش بہ بنت ، یک بے سار ءُ سرپدی ءَ ڈن داشتگیں سنچ ءُ ھیالے ۔پھتویں لیکوانی بنچک ءَ بنا بوتگیں زرمبش گوں دیم شریتگیں میتاں ھلاس نہ بنت جارکش ءَ گوشتگ کہ بی ایس او آزاد ءِ راھشون ذاکر مجید ءِ جان ترس آماچ اِنت میان اُستمانی تک ءِ مردم بلوچ سیاسی جھدکارانی کشت ءُ کشار ءِ دارگ مادنیں گامگیج چست بہ کن اَنت ۔