غداری ءِ وتگڑیں بُھتام ءِ سرءَ بے گُناھیں مردم جنگ بئیگ ءَ اَنت،، کمانڈر، ستار بلوچ

بی۔ این۔ ایل۔ ایف ءِ سپریم کمانڈر ستار بلوچ ءَ وتی ھالتران ءِ تھا پدرائی کنان ءَ  گوشتگ کہ غداری ئے نام ءِ سرا بے گُناھیں مردم کُشگ بوئگا اَنت ۔ مئے چہ بی۔ ایل۔ ایف ءَ در آئگ ءِ بُنکی سوب طریقہ کار ءِ بُنیاد ءَ بیتگ۔ ھما رھبند کہ ٹھینگ بیتگاں آھانی ھلاپ بی۔ ایل۔ ایف کار کنگ ءَ اِنت۔  ۔بس یک مرمے ءِِ گوشگ ءِ پدا بی۔ ایل۔۔ ایف کار کنگ ءَ اِنت، آئی ءَ گوشتگ نظریاتی اختلاف دارگ ءَ ابئید ھم ما مُخالف پارٹی رھشونانی جنگ ءُ کُشگ ءِ حق ءَ نہ اِنت۔ بی۔ ایل۔ ایف چہ بُنکی رھبنداں گسر کپتگ۔ھمساھگیں مُلک ءُ ھر ٹک ءِ مردم ناراض کنگ بیتگ اَنت ۔ مارا اے چیز ءِ گُمان نہ بیتگ بلے مرچی بی۔ ایل۔ ایف ءِ ھلاپ ءَ زھر شانی بیئگ انت، سیاسی پارٹی ناراض کنگ بیتگاں۔۔۔ آئی ءَ گوشتگ مارا گوں این۔ پی ءُ بی۔ این۔ پی آں نظریاتی اختلاف است۔۔ آھانی رھبند راست نہ اِنت ،بلے ما بس ھما مردمانی کُشگ ءِ حق ءَ اِنت کہ آ سرمچارانی چاروگ گری ءَ کن اَنت۔آئی ءَ گوشتگ این۔ پی یا کُجام پاٹی ئے مئے پلہ مرزی ءَ کنت ما آھانی دپ ءَ بست نہ کنیں۔ ما ھر چاگردی ٹک ءِ پلہ مرزی ءَ لوٹیں۔آئی ءَ گوشتگ اگاں ذاتی کَست ءُ کینگ ءِ بُنیاد ءَ بے گُناھیں مردمانی کُشت ءُ ھون بند مہ بیت تا ما اے درگت ءَ عملی گامگیج زیرگ ءَ ھم تیار ایں۔  

دلگوش: بام ھال آجوئیں نیوز کارگسے،گوں اے ھیالاں بام ھال ءِ تپاکی المی نہ اِنت۔