لیبیا: یاگیانی لشکر ءَ کرنل قذافی ءِ مُھکم تریں گس بنی ولید شھر ءِ سرا قبضہ کُتگ۔

لیبیا: عبوری سرکار ءِ ردا بازیں جنگ ءُ چوپاں رند یاگیانی لشکر ءَ کرنل قذافی ءِ مُھکم تریں فوجی گِس بنی ولید شھر ءِ سرا قبضہ کُتگ۔ شھر ءَ ھاسیں سرکاری کارگسانی سرا عبوری سرکار ءِ بیرک مِک کنگ بیتگ۔ جنگ ءَ پد شھر ءَ جاورھال باز نگیگ اَنت ءُ یک ھندی مردے تیرگواری ءِ زدا اَتکگ ءُ بیران بیتگ۔۔رسانکدر ءِ ردا بنی ولید شھر ءَ آشوبی لشکر ءِ آیگ ءَ پد مردماں باز وشی درشان کُتگ ءُ چہ وشی ءَ ھر نیمگ ءَ تیرگواری بیئگ انت۔ دومی نیمگ ءَ کرنل قذافی ءِ پِت ءُ پیرکی شھر ”سرت” ءَ یاگیانی ءُ قذافی لشکر ءِ میان ءَ دو دیمی جنگ جاری اِنت اودا آشوبی لشکر قذافی لشکر ءِ نیمگ ءَ ترتریں اُرشانی دیمپانی ءَ کنگ ءَ اَنت۔۔دوئیں نیمگ ءَ ٹوھیں ٹوھیں سلاہ کارمرز بیئگ انت۔ برٹش شنگ کاری ٹیم ءِ یک باسکے تیرانی زد ءَ اتكگ  ءُ بیران بیتگ۔ شھر ءَ لُٹ ءُ پُل برجاہ انت