شال : بلوچ راج چَہ گوستگیں تھلیں تجربگانی بنیاد ءَ دلگران اِنت ' اسلم رئیسانی

شال : پاکستان چیردستیں بلوچستان اُستان سر وزیر محمد اسلم رئیسانی ءَ گوشتگ کہ بلوچستان ءِ مردمانی جنجال ءُ جیڑہ ءُ نیستیانی دور کنگ  ھم وھد ءُ جاورانی لوٹ اِنت من ءَ وشی اِنت کہ مروچی بلوچستان ءِ جیڑہ ءَ اے ملک ءِ ھمک سیاسی گل یک ارزشداریں جیڑھے سرپد بیت بلوچ راج ءِ دلگرانی گوستگیں تھل ءُ کچلیں تجربگانی بنیاد ءَ جائز اَنت کہ اے ملک سرجمیں سیاسی ءُ دگہ واکاں دور کنگ لوٹ اَنت ۔ پہ بلوچستان ءِ نیستی ءِ مارشتانی دور کنگ ءِ 1940ءَ منگ بوتگیں قرار داد ءِ سر ءَ گامگیج زورگ بہ بیت وھدے کہ ھمک بھر وژحال بیت گڑا کس ءَ گوں کس ءَ گلگ ماسیت نہ بیت ءُ درس ھوارے ءَ ملک ءَ چَہ جنجال ءَ کشگ ءَ وتی کردگار ءَ گون کن اَنت ۔