شال : بیگواہ بوتگیں مردمانی کمیٹی دگہ واکے ءَ مہ کن کنگ ءَ بلوچستان ءَ نئے اَتکگ' وائس فار بلوچ مسنگ پرسنز

شال : پہ پاکی سرکار آوار جتگیں بلوچانی درکنگ ءَ شد ھرجاپی گدان ءَ 445روچ سرجم بوتگ ءُ دنیگت برجاہ اِنت ۔ آوار جتگیں بلوچانی کھولانی شد گدان ءَ چَہ بی ایس او آزاد اوتھل بیلہ ءِ باسکاں گوں آوار جتگیں مردمانی کھولاں ھمدردی کرتگ ءُ گوشتگ کہ مروچی ذاکر مجید مئے میان ءَ نہ اِنت آ پاکستانی ایجنسیاں آوار جتگ بلے آئی ءِ پگر ءُ کردار ھمک بلوچ ورنا ءِ دلانی تہ ءَ اِنت اے وھد ءَ گوں ذاکر مجید  ءَ ھزارھاں بلوچ ورنا آوار جنگ بوتگ کہ پاکستانی سیکورٹی ایجنسیانی شکنجہ جاھاں بند اَنت ءُ جنگ چوپگ بوگ ءَ اَنت مارا ترس اِنت کہ کشگ بنت ۔ وائس فار مسنگ پرسنز ءِ چِیئر مین نصراللہ بلوچ ءُ وائس چیئر مین قدیر بلوچ ءَ گوں گدان ءَ پہ ھمدردی اَتکگیں مردماں گپ جنان ءَ گوشتگ کہ سرکار ءَ پہ آوار جتگیں مردماں یک کمیٹی یے جوڑ کرتگ اَت کہ آئی ءَ سی ستمبر ءَ بلوچستان ءَ آیگی اَت بلے سیمی واک ءِ مہ کن کنگ ءِ سبب ءَ آ کمیٹی بلوچستان نئے اَتکگ ۔ آئی ءَ گوشتگ کہ کسانیں مدتے ءِ تہ ءَ آوار جتگینانی کھول اسلام آباد لوٹگ اِتگ اَنت بلے اینچک زوت کے اسلام آباد روت کنت ءُ اِنچک ھرچ سگ اِت کنت ؟ درس نیز گار یں مردم اَنت ۔ بیگواہ کرتگیں مردمانی کھول چَہ کمیٹی ءِ چیئرمین ءَ دزبندی کن اَنت کہ آ بلوچستان ءَ  بیا اَنت  ءُ  درسانی درد ءُ گماں گوش بہ دار اَنت ۔