اسلام آباد : بلوچستان ءِ زمین ءَ مڈی کل اَنت بلوچ کشگ بوگ ءَ اَنت ' حاجی روزالدین

اسلام آباد : گوستگیں آدینگ ءَ پاکستان ءِ پارلیمنٹ ھائوس ءَ احمدان بگٹی ءِ سروکی ءَ اسٹیڈنگ کمیٹی فار کنٹک بیٹون پرونسز [ کمیٹی پہ اُستانانی میان ءَ ھمکاری ] ءِ دیوان ءَ احمدان بگٹی ءَ گوشتگ کہ سیاستدان سرکار بیوروکریسی ءِ دست ءَ بے وس اَنت ملک ءِ واک ءُ مستر بیوروکریٹس اَنت وھدے کہ بدنامی ایوک ءَ سیاستدانانی نصیب ءَ اِنت ۔ کمیٹی ءِ باسک حاجی روزالدین ءَ گوشتگ کہ بلوچستان ءِ زمین ءَ اربانی روپیہ ءِ مڈی کل اِنت بلے بلوچ ایوک گوں فوجی آپریشن ءَ کشگ بوگ ءَ اَنت ۔