پسنی : زیک آوار جتگیں چار ورنا ایجنسی ءِ کارنندھاں چَہ پولیس ءِ دیم ءَ چست کرتگ اَنت

پسنی : ھالتاک ءَ شنگ بوتگیں ھالانی رد ءَ زیک چَہ پسنی ءَ آوار جتگیں مردم چَہ جڈی ءِ گور ءَ پولیس چوکی ءِ نزیک ءَ چست کنگ بوتگ اَنت ۔ آوار جن پاکستانی سیکورٹی ایجنسی مردم بوتگ اَنت کہ گوں ایف سی ءِ گاڑیاں اَتکگ اَنت ءُ چار ورنا گوں تپنگ ءِ زور ءَ آوار جتگ اِش ۔ اے چارینانی تہ ءَ یک پسنی لیویز ءِ سپاھیگے ھم ھوار بوتگ ۔ اے کارروائی ءِ گندوکیں مردماں گوشتگ کہ اے میان ءَ پولیس ءُ ایجنسیانی کارندھانی میان ءَ گر ءُ چیل ھم بوتگ پرچا کہ ایجنسی ءِ مردماں لوٹ اِتگ کہ پولیس ءِ یک اے ایس آئی یے ءَ ھم آوار بہ جن اَنت ۔ اے ھبر ءِ سر ءَ پولیس ءُ ایجنسیانی میان ءَ دپ جنگی بوتگ بلے پولیس ءَ ایجنسی ءِ مردم چَہ بلوچ ورناھانی آوار جنگ ءَ  نہ داشتگ اَنت البت وتی اے ایس آئی ءِ برگ ءَ نہ اِشتگ ۔ زانگ بہ بیت کہ چَہ آوار جتگیناں لیوزسپاھیگ  حکیم ء پنڈوک ریک پشت ءِ نندوک ، صدم ء منشی اختر وارڈ نمبر پنچ ءِ نندوک ، یاد بلو پسنی ءِ نندوک ، محمد علی جاموٹ سند ھ ءِ نندوک ھوار اَنت ۔