شال : مہ کند اِت کہ میر اسد ءَ کوہ ءَ روگ ءِ بیھار داتگ

شال : بلوچستان نینشل پارٹی عوامیءِ بنجاھی کارگشاد ءُ پاکستان چیر دستیں اُستان سرکار ءِ کشاوردی وزیر ءِ زاناں دپار کستر کنگ بوتگ کہ یک رندے پد ءَ کوہ ءَ روگ ءِ پاتراپے داتگ ۔ آئی ءَ گوشتگ کہ یک گروپے مارا چَہ پارلیمنٹ ءَ تیلانک دیگ ءَ اِنت اگاں پہ ما پارلیمنٹ ءِ دروازگ پد کنگ بوت اَنت گڑا ما کوھانی نیمگ ءَ ھم روت کن اِیں پرچا کہ کوھاں مارا مدام باھوٹ کرتگ اے ٹک ءِ تہ ءَ سیاسی ءُ سرکاری کارنندہ ھوار اَنت ۔ ما مدام پارلیمان ءِ تہ ءَ نشتگ ءُ حقانی گپ جتگ دیمتر ءَ ھم انچوش کن اِیں ۔ سرکار ءِ ھمراھداری یا سرکاری بِنچانی سر ءَ نندگ ءَ مراد اے نہ اِنت کہ ما چَہ بلوچستان ءِ مردماں بے ترانگ اِیں اگاں پارلیمان ءَ ڈن بہ بئے اِیں یا تہ ءَ پہ بلوچستان ءِ مردماں جھد کن اِیں ۔ اے بیان پمیشکا چَہ یک وشکندے ءَ مستریں چی یے نہ اِنت کہ کوہ ءَ روگ ءِ پاتراپ ھم داتگ ئِے ءُ اے ھم گیشینتگیں کہ ما دیمتر ءَ ھم پارلیمان ءَ نند اِنت ۔ پارلیمان پسند کے ءَ رد دیگ لوٹ اَنت ھدا بہ زانت بلے ایشانی بیانانی نویسگ ءَ اھوالکار الم پریشان بنت کہ چی بہ نویس اَنت ءُ چی سرپد بہ بنت ۔