پہ راج ءِ ھاترا مراں نہ بیت من ءَ ھچ رنج،،،کہ ھون بلکیں بیت منی غریب ءِ آزمان ءِ سنج

ایردستیں بلوچستان ءَ گوستگیں دہ سالاں  بلوچ فرزندانی  شھید کنگ ءِ کرد پاکی ریاست ءَ برجاہ داشتگ۔ بلے  گوستگیں  دو  سالاں  اے  زلم ءُ زوراکی ءِ  درچ  نوکیں  دروشمے  دیگ بیتگ۔ بلوچ سرمچارانی یک شلیں اُرشاں پاکی فوج اَنچو بیوس کُتگ کہ نو آ بلوچ  نودربراں آوار جنت ءُ کُشیت ءُ آھانی لاشاں ویرانگاں چگل دنت۔۔ چوناھا اگاں بچارے اے  کرد دُژمن ءِ مستریں  شکست زانگ بیت۔ اے مرچی  دگہ دو بلوچ ورناہ ناپاک  ایجنسی آں شھید کُتگ انت او  آھانی جتگ ءُ چُپتگیں لاش  بلوچ ءِ تاریخی ھند مُرگاپ ءَ  چگل  داتگ انت،،بلوچ نودربر عرفات جان کہ  آ یک بودناک ءُ قابلیں نودربری بیتگ او کریم جان کہ یک سیاسی ءُ سوشل ورکرے  بیتگ ، اے دوئینانی  لاش مرچی مُرگاپ ءِ دمگ ءُ دزکپتگاں۔۔