نامئیں موبائل کمپنی ”ایپل” ءِ سروک بیران بیتگ،

نامئیں موبائل کمپنی ”ایپل” ءِ سروک  بیران  بیتگ،  ھالانی  ردا سٹیو  جابز  شومک (کینسر)  ءِ  نادراھی  ءَ  گور  جتگ  ءُ  بیران  بیتگ۔ گوستگیں  اگست  ءِ  ماہ  ءَ  آئی  ءَ  نادراھی  ءِ  سوب  ءَ  چہ  اُگدہ  ءَ  دزکشی  ءِ  جار  جتگ۔  دزکشی  ءَ پیش   آ  کمپنی  ءِ  چیرمین ئے  بستار  ءَ  کار  ءَ  بیتگ۔  ایپل  کمپنی  ءِ  نیمگ  ءَ  شنگ  بیتگیں  بیانے ءَ  آیاں  سٹیو  ءَ  داد  دیان ءَ  گوشتگ کہ  آ  باز  دلیر ءُ  جوانیں بودشت  ءُ  کردانی  واجہ  بیتگ۔آئی  ءِ سوب  ءَ  مارا  زندگی  ءِ  بازیں  تکاں  دیمروئی   رستگ۔ آئی  ءِ  مرگ  ءَ  پد  کمپنی  ءَ  وتی  بیرک ایر جھل  کُتگ۔۔سٹیو جابز ءَ  نوزدہ  سد  ءُ  ھپتاد ءُ شش ءَ  گوں سٹیو  ووزنیک ءِ گُم ءَ  ھوار  اے  کمپنی  ءِ  بُن  ھشت  ایر  کُتگ۔ مائیکرو  سافٹ  ءِ  سروک  بل گیٹس ءَ  وتی  دلی  دوست  جابز ءِ جُھداں  داد  دیان ءَ  آئی  ءِ  ناگتیں  مرگ  ءِ  سرا دلپدردی  درشان  کُتگ۔