کوئٹہ: پاکی لشکر ءِ سرا اُرش۔

کوئٹہ: کوئٹہ پاکی لشکر ءِ بُنجل ءِ سرا ناشناسیں مردماں گوں راکٹاں اُرش کُتگ ، چر ایشی ءَ پاکی لشکر ءِ بُنجل ءَ بازیں تاوان رستگ۔ھالانی ردا ردا مارگٹ ءِ دمگ ءَ پی۔ایم۔ڈی۔سی کالونی ءِ نزیک ءَ ایف۔سی بُنجل ءِ سرا چہ کش ءُ گور ءِ کوھاں ناشناسیں مردماں چار راکٹ جتگ ، چر ایشی ءَ چہ پاکی لشکر ءَ بازیں مالی ءُ جانی تاوان رسگ ءِ گمان پدر کنگ بیتگ، پاکی لشکر ءَ اے علاقہ چاگرد کُتگ ءُ ناشناسیں مردمانی پٹ ءُ پول بُنگیج کُتگ۔۔ دومی نیمگ ءَ بلوچ سلاہ بندیں گل بی۔ایل۔ اے ءِ جارکش میرک بلوچ ءَ اے ارشانی ذمہ واری من اِتگ۔