تیونس: السی آشوب ءِ واھگ ناسرجم، ملایانی گل ءَ گچین کاریاں سوب مندی رستگ۔

تیونس: ملایانی گل ”النجاہ” ءَ ملک ءَ نوک برجم داشتگیں پارلیمانی گچینکاریاں چِل درسد ووٹ رستگ، ”النجاہ” گل ءِ سوب مندی ءِ گُمان زاھر کنگ بیئگ اِنت۔ درملکی رسانکدر ءِ ردا مُلک ءَ بیوکیں گچین کاریانی ادارکی گچینی آسرے شنگ کنگ بیتگ، ایشی ءَ اسلامی گل ءَ درستاں چہ گیش ووٹ گپتگ، وھدیکہ سرکاری اعلان دیم ءَ بیت۔۔تیونس ءَ نوہ ماہ ءَ پیش السی زھرشانیان پد سی ءُ سئے سالاں اُگدہ ءِ سرا چٹی ایں ھاکم زین العابدیں چہ اُگدہ ءَ ولگوج کنگ بیتگ ءُ آ مرچی باندا سعودی عرب ءَ جاھمنندیں۔۔یک شنبہ ءِ روچ ءَ دو سد ءُ ھپدہ پارلیمانی ھلکانی واستہ گچین کاری بیتگ۔ گچین بیوکیں اسمبلی مُلک ءِ نوکیں رھبند ءَ ٹھینیت ءُ عبوری سرکار ءَ جوڑ کنت۔ عرب دُنیا ءَ مان پتاتگیں بدلی ءَ رند تیونس اولی ملکیں کہ اودا گچین کاری برجم دارگ بیتگ انت۔ ھالانی ردا اسلامی گل ”النجاہ” گچین کاریاں گیشریں ھلکانی تھا سوب مندی رسیت۔ مردمانی بازی ءِ سوب ءَ بازیں پولنگ اسٹیشن ڈس اِتگیں وھد ءَ رند بندات کنگ بیتگ اَنت،، ”النجاہ” یک اسلامی گلے ، آئی ءَ گچین کاریاں پیش زالبولانی حقانی پلہ مرزی ءُ جمھوریت ءِ وعدہ کُتگ۔۔النجاہ ءِ دیم ءَ ھلاپ داریں گل پروگریسو ڈیموکریٹک پارٹی اِنت.( بلے النجاہ ءِ سوب مندی ءِ سرا مارا ایرانی خمینی وتگڑیں  آشوب شموشگ نہ لوٹیت)