بر اَنت پہ باری تر اَنت۔ زیکیں سوشلسٹ رھشون ءِ گوں مرچیگیں سامراج ءَ دزبندی۔

اسلام آباد: نیشنل پارٹی ءِ صدر ءُ پاکستانی سنیٹر واجہ ڈاکٹر مالک ءَ گوشتگ من گوں ھیلری کلنٹن ءِ گما گند نند ءَ اے گپ ءِ نشوندھی کُتگ کہ ماں بلوچستان ءَ انسانی حقانی ھلاپ ورزی بیئگ اِنت،(بلے واجہ ءَ اے گپ زاھر نہ کُتگ کہ اے ھلاپ ورزی چہ کجام نیمگ ءَ بیئگ انت۔واجہ ءَ اے نشوندھی کہ ماں بلوچستان ءَ جتگ ءُ چپتگیں لاش دز کپگ ءَ اَنت۔امریکا ءُ عالمی قوت اے درگت ءَ توار چِست بہ کن اَنت۔( بلے دُنیا اے گپ ءَ سرپدیں کہ اے سامراجیاں کدی پہ مضلومیں راجانی حق ءَ توار چست نہ کُتگ، مشرقی تیمور بہ بیت یا ویتنام ، یا ھنوگیاں وھد ءَ ماں کُردستان ءَ تُرک فوج ءِ زُلم ءُ زوراکی ءَ ھمے سامراجیانی دست وڑی نا وڑی ھوار اِنت)آئی ءَ گوشتگ امریکا ءَ ماں بلوچستان ءَ دوسد اسکولانی جوڑ کنگ ءِ جار جتگ نو امریکا ءَ لوٹیت کہ اے درگت ءَ دوبارہ گامگیج بہ زوریت ،او سوشل سیکٹر ءَ گیشیں منصوبھانی جار ءَ بہ جنت،، آئی ءَ گوشتگ کہ امریکا ماں پاکستان ءَ جمھوریت ءَ کمک بہ کنت تانکہ دوبارہ ڈکٹیٹر شپ دیم ءَ میا اَنت،،( ادا دو گپ دیم ءَ کئیت واجہ مالک یکے ھمے مشرف ڈکٹیٹر شپ شُمے جند ءَ ھم کمک کُت مشرف ءِ دور ءَ شما مشرف حمایت ءِ جار جت ءَ شریں وڑی بلدیاتی گچین کاریاں بھر زُرت ، شُما ڈکٹیٹر مشرف ءَ کمال اتا ترک ءِ دومی نام دات، بیھال ئے دومی تو کجام جمھوریت ءِ گپا ئے اے پاکی جمھوریت ءَ مارا گیشتر لاش دزکپتگ) آئی ءَ وتی گپ ترینتگ ءُ گوشتگ کہ اے وھد ءَ ماں بلوچستان ءَ لاش دز کپگ ءَ اَنت ، مردماں آوار جنگ ءَ پد کُشنت ءُ آھانی لاشاں دور دینت، عالمی دُنیا اے درگت ءَ توار چست بہ کنت، امریکا ءَ پیش ءَ ڈکٹیٹر شپ کمک  کُتگ، آمریت ءِ کمک ءَ چہ پاکستان ءَ تاوان رستگ۔ نو بائد جمھوریت کمک کنگ بہ بیت تانکہ   پاکستان مُھکم بہ بیت،،( منی واجہ تو کُجام پاکستان ءِ مُھکمی ءَ لوٹ ئے؟؟ ھما پاکستان کہ سامراج ءَ وتی نپانی برجاہ دارگ ءِ ھاترا جوڑ کُتگ۔۔ھما پاکستان کہ بلوچ ورناھانی لاشاں ماں چاھراھانی سرا چگل دیگ اِنت،،ھما پاکستان کہ من ءَ وتی جند ءِ سرڈگار ءَ درامد کُتگ ئے۔۔(ھو راستی قومی غدارانی دومی دروشم ھمیش انت منی واجپ)