موغادیشو: کینیا چہ صومالیہ ءِ قبضہ ءَ دزكش به بيت ۔اگاں ناں خونیئیں جنگ ءَ تیار بہ بیت۔۔الشباب

موغادیشو: صومالیہ ءِ سلاہ بندیں گل ”الشباب”  ءَ کینیا ءَ بیھار دیان ءَ گوشتگ کہ کینیائی لشکر صومالیہ ءِ سرڈگار ءَ یلس بہ کنت اگاں ناں گُڑا خونئیں جنگ ءِ دیمپانی ءَ ساڑی بہ بیت۔ الشباب ءِ جارکش محمد علی راگے ءَ ھال دیان ءَ گوشتگ کہ کینیائی لشکرءِ قبضہ بازیں صومالیائی ھند ءُ دمگانی سرا برجاہ اِنت ما آئی ءِ گوشگ لوٹیں کہ زوت ءَ چہ زوت مئے سرڈگار ءَ یلس بہ کنت اگاں ناں گُڑا ما کینیائی لشکر ءُ صنعتی کارگسانی سرا اُرش کنیں۔۔ما وت کُشیں اُرشاں ھم چُک ءُ پد نہ بئیں۔۔جارکش ءَ کینیائی سرکار ءِ اے گپ رد کُتگ انت کہ ”الشباب” ماں کینیا ءَ بازیں درمُلکی سوادیانی آوار جنگ ءَ ھواریں۔۔گوستگیں وھد ءَ ماں کینیا صومالی سیمسراں بازیں درمُلکی سوادی آوار جنگ بیتگ انت کہ ایشانی تھا دو فرانسی سوادی ھم ھواراں۔ کینیائی سرکار ءَ ”الشباب” ءِ سرا بُھتام جتگ کہ درمُلکی سوادیانی آوار جنگ ءَ ھواریں۔بلے ”الشباب” ءَ ھر وھد ءَ چوشیں گپ رد کُتگ انت ءُ چوشیں گپاں ماں میان استمانی تکاں ”الشباب” گل ءِ بدنام کنگ ءِ کینیائی توجیلے گوشتگ۔۔