دہ ایف۔ سی کارندہ ءُ دو آئی۔ایس۔ آئی ایجنٹ کُشتگاں۔ دودا بلوچ

کیچ: بلوچ سلاہ بندیں گل بی۔ایل۔ایف ءِ جارکش دودا بلوچ ءَ چہ ناشناسیں ھندی ءَ فون کُتگ ءُ گوشتگ کہ مئے سرمچاراں ماں آواران ءِ ھند ءُ دمگاں دو جاھاں پاکستانی لشکر ءِ سرا اُرش کُتگ۔ اے اُرشاں چہ دہ ایف ۔سی کارندہ مُرتگ انت ءُ بازینی ٹپی بیتگ۔ آئی ءَ ھال دیان ءَ گوشتگ کہ کیچ ءِ ھند ءَ مئے سرمچاراں دو آئی۔ ایس۔ آئی ایجنٹ ھم کُشتگ انت،، عابد قمر کہ اسکول ٹیچرے بیتگ آ آئی۔ایس۔ آئی ءِ ھاسیں ایجنٹے بیتگ مئے سرمچاراں تیرگواری کُتگ ءُ کُشتگ، دومی آئی۔ ایس۔ آئی ءِ ھندی ایجنٹ عارف بشیر کہ مئے سرمچاراں آوار جتگ ءُ بازیں پٹ ءُ پولاں پد کُشتگ، اے مرد ءِ پٹ ءُ پول ءَ چہ دگہ بازیں ھندی نیٹورکانی نشوندھی رستگ۔