ازرائیل ماں میان رودرتک ءَ تھنا بیانیں۔ لیون پینٹا

امریکا ءِ دفاعی وزیر لیون پینٹا ءَ ھیال درشان کنان ءَ گوشتگ کہ ازرائیل  ماں میان رودرتک ءَ تھنا بیانیں۔ پمیشا آ  فلسطین ءِ گُما امن گپ ءُ تران ءَ بُنگیج کنگ ءَ گوں ھوار   مصر ءُ  تُرکی ءِ گُما ھم وتی سیادیانی برجم دارگ ءُ مُھکم کنگ ءِ جُھد ءَ بہ کنت۔ آئی ءَ گوشتگ  میان رودرتک ءَ تبدیلی آیگ اِنت۔ پہ ازرائیل ءَ اے جاور ھالانی تھا یک ءُ تھنا بیئگ سیت مند نہ انت۔ آئی ءَ گوشتگ کہ ازرائیل وتی دفاعی بالادستی ءِ سرا نپ چست بِکنت ءُ امن ءِ برجم دارگ ءِ سرا زور بہ دنت۔