اسلام آباد: لوٹ اِتگ کہ گوں گستائی لوٹوکاں گپ بہ جن آں بلےآ ابید چَہ آجوئی ءَ دگہ ھچ گوشدارگ نہ لوٹ اَنت ' اسلم رئیسانی

اسلام آباد : پاکستان چیردستیں بلوچستان ءِ اُستان سروزیر محمد اسلم رئیسانی ءَ گیش اِینتگ ءُ گوشتگ کہ بلوچستان ءَ گستائی لوٹوک ابید چَہ آجوئی ءَ دگہ ھچ گپ ءِ گوشدارگ ءَ ساڑی نہ اَنت ۔اگاں سیاستدانانی زندگی ءَ سیاست مہ بوت اِنت گڑا تمباک بھا اِش کرتگ اَت ۔باز رند ءَ لوٹ اِتگ کہ گوں گستائی لوٹوکاں گپ بہ جن آں بلے آ ابید چَہ آجوئی ءَ دگہ ھچ ھبر ءِ گوشدارگ ءَ ساڑی نہ اَنت ۔ ھندوستان ءِ بلوچستان ءِ تہ ءَ دزمانجنی ءِ درگتءَ منی گور ءَ ھچ مالومداری نیست ءُ بلوچستان ءَ گیش بیوکیں دراندازی ءَ '' را '' ءِ دست مان بوگ ءِ جست ءَ چَہ رحمان ملک ءَ بہ کن اِت ۔