یک رندی پدا۔۔۔چمانی شلیں ارساں دروہ اِت منی عقل ءَ را

بلوچ  راج  وتی  جندئے  گُلزمین ءَ  زندگی ءَ  پہ وشیں  دل  نہ نِشتگ۔ ایشی ءِ  مستریں  سوب  ایش اِنت  کہ خُدا ءَ بلوچ  راج یک  اَنچیں  پُر گنجیں  گُلزمینے ءِ  واھُند کُتگ  کہ اے  گُلزمین ھر وڑیں  مال ءُ مڈی ءَ  چہ چکاریں  گُلزمین ئے۔۔۔دومی  ھبر ایش اِنت  کہ اے ماتیں گلزمین ءِ مال ءُ مڈی ءُ شاھگان ءُ پُر آسراتیں زِر پہ بلوچ راج ءَ وت  یک  بلاہ ءُ  بدی جوڑ بیتگ، دُنیا ءِ کُلیں  سامراجی شیطانانی چم ھمے  زمین ءَ سک انت۔۔۔ اے  مال ءُ مڈیانی  پلگ  ءُ  برگ ءِ ھاترا  ھر دور ءُ ھر زمانگ ءَ ھر زالم ءُ زور آور ءِ چم ھمے  سرزمین ءَ  سک  بیتگاں۔۔۔ منگولیاں بگر تاں ایرانیاں۔۔۔پرتگالیاں  بگر تاں خُدا ءِ دوستیں بندہ عرباں،،ھچ زوراک ءُ  زالم ءَ پہ  اے بزگ ءُ  لاچاریں بلوچ ءِ  کُشگ ءُ گار  کنگ ءُ ایشی ءِ مال ءُ مڈیانی  پلگ ءَ وتی  دل  نہ رنجینتگ۔۔۔یک رندی پدا مرچی  بلوچ ءِ  گلزمین  گوں بلوچ ءِ زھگانی  ھوناں  رجگ  بیئگ انت۔۔مرچیگیں اے  زُلم ءُ  زوراکی ءِ دروشم  چو  ھما  چھرگ  ءَ  جنت کہ  مرچیگ ءَ پانزدہ سد سال پیش دُنیا ءِ پہ  نام عادلیں  بادشاہ نوشیروان ءِ  پہ  بلوچ  ءِ  کُشگ  ءُ  گار  کنگ ءَ  بیتگ۔۔چیاکہ  مرچیگیں  زوراک  ءَ  زُلم  ءُ  زوراکی ءِ  ھمک  حد ءُ سیمسر  گواز کُتگ انت۔۔۔ انچو کہ  نوشیروان ءِ  حکم ءِ پدا ””زن و پیر و مرد و کودک نماند”” ءِ  لیکہ ءِ  بُنیاد ءَ بلوچ ءِ پہ بے دردی قتل عام کنگ بیتگ۔۔مرچی پاکستانی وتگڑیں مُلا ءُ چیریں دست  گوں  سامراجی شیطانانی  مدت ءُ کمک ءَ  ھما وڑ کنگ ءَ اَنت۔۔۔انگت اے زُلم ءُ زوراکی چہ آئی ءَ بدتر ءُ سک تریں ،،،چیاکہ مرچی اے کرد ءَ مئے وتی وتگڑیں صوبائی وتواکی ءُ حق خود ارادیت ءِ لوٹوکیں پنجابی دروشمیں بلوچ ھم گوں دری قوتاں ھم دست ءُ ھمکاراں،،،،چوناھا شیطان صفتیں زالمانی  وتی  یک  لیکہے کہ راجی کہ  ھتم  کنگی انت  تا گُڑا آئی ءِ  نودربر ءُ  زھگاں  بکش۔۔۔چیاکہ عاقبت ءِ پدریچ ءُ اوبادگ  ھمے نودربر ءُ  زھگاں  کہ راجی  زند ءِ  دیمروئی ءِ ھاترا وتی کردا  جوانیں  وڑی ءَ  پیلہ  کُت  کن انت۔۔۔ مرچی  بلوچ ءِ گار ءُ  بیگواہ  کنگ ءَ  ھمے  توجیل  سازگ  بیتگ۔۔۔کسان سالیں نودربر عرفات  جان یک  شانزدہ  سالی  نودربری اَت  کہ  پاکی  ایجنسیانی  دست ءَ  آوار  جنگ ءُ  پدا  شھید  کنگ  بیت۔۔دُنیا ءِ جنگی  رھبندانی ردا بیست  سال ءَ  چہ  کم زھگانی  جنگ مزنیں  جُرمے۔۔۔۔پدا  آکس کہ  تئی  دست ءَ  دزگیر  بیت آئی ءِ شھید کنگ وا مستریں  جُرمے۔۔۔ازرائیل بہ بیت  یا دگہ  قبضہ  گیر آ  اے کرداں  گوں  دومی  ایردست ءُ  بزگیں  راجاں  نہ کن اَنت۔۔۔بلے  پاکی چیریں  دست ءُ آئی ءِ مُلا کہ وت ءَ خُدا ءِ ھاسیں  نُمائندہ  گُشنت ، پر آھاں  چوشیں  کرد گُناہ  نہ انت۔۔چیاکہ  پاکستان ءَ یک  نیمگے  سامراج ءِ  کمک  گون انت  ءُ  دومی  نیمگ ءَ مُلا ءُ  وتگڑیں  مُلاھانی  دِلبڈی۔۔۔۔۔۔کسان  سالیں  عرفات  جان بیت  کنت پاکستانی مُلا ءُ آئی  شیطانیں سامراجی  دستانی نظر ءَ  یک ٹوھیں ءُ  خطرناکیں  دھشت  گردی بیتگ ،،چیاکہ آئی ءَ بُنکی  انسانی  حقانی لوٹ  کُتگ۔۔وتی  ماتیں  گُلزمین ءِ آجوئی ءِ گپ  جتگ۔ بلے راستی  ایش انت  کہ آ یک غیرت مند ءُ دلیریں  بلوچ  اوبادگے  بیتگ۔۔آئی ءِ  بالاد کسان  بیتگ بلے آ چو صوبائی وتواکی ءُ حق وتواکی لوٹوکیں  بلوچ دروشمیں  پنجابیانی وڑیں بے غیرتے  نہ بیتگ۔۔۔۔آ پہ  ھر بلوچ ورناہ ءَ یک سمبلے جوڑیں۔۔۔۔زوراک  ھمنچو  زُلم  بہ کنت ،،، ستر بہ کُشیت۔۔آ  کُشت  کنت ،،بلوچ  دروشمیں  پنجابی ھمنچو گوں  آئی ءَ ھمگرنچ ءُ ھمدست بہ بنت۔۔۔پہ بلوچ ورناھانی خوناں  وتی دستاں سُھر بہ کن اَنت ۔۔چیا کہ آھاں مرچی دُنیا ءِ طاقت وریں سامراج ءِ کمک گون انت۔۔۔بلے  یک  گپے  یاد  بہ کن اَنت کہ آھاں چہ مستریں  قوتے  موجودیں،، آئی ءِ لٹ  بے آوازیں،،آئی ءِ  انصاف ءِ شاھیم ءَ کس دزمانجی کُت  نہ کنت۔۔۔آئی ءِ کھرانی  کزا ءَ چہ کس  رک اِت نہ  کنت۔۔آ مظلوم ءِ ھمراھ انت۔۔آ گُشیت منی ءُ مظلوم ءِ میان ءَ ھچ  وڑیں فرق نیست۔۔۔بس صبر  لوٹیت ۔۔آ  انصاف کنت،،،آ  انصاف  کنت۔۔۔