بی۔ ایل۔ ایف ءُ بی۔ ایل۔ اے ءِ بیان ،،ھالتاک ”جنگ” ءُ ”مشرق” رسانکی لوٹاں پیلہ بہ کن اَنت

فروفیسر واجہ صبا دشتیاری ءَ یک  گپے  مُدام  جتگ  کہ پاکستان ءِ دانشور بہ  بنت  یا  وتگڑیں رسانکدر اے  سرجم سامراجی  لوٹانی  پدا  کار  کنگ ءَ  اَنت۔ چیاکہ پاکستان ءِ کواس  بہ بنت یا رسانکدر ، تُری  ھما پاکستانی  ھالکار  آ دری  رسانکدر ءَ  گوں  بندوکاں، اے  کُلانی نپ  گوں  پاکستان ءِ  نپاں ھواراں۔۔۔او مرچی  اے درگت ءَ بی۔ ایل۔ ایف ءُ  بی۔ ایل۔ اے ءِ ھم ھالترانے دیم ءَ اَتکگ  کہ ھالتاک ”جنگ” ءُ ”مشرق” ءِ ایڈیٹر آزاد سسا درنگازی ءِ لوٹاں  پیلہ  کنگ ءَ نہ انت۔۔۔بلوچ راجی  توار ءِ گُٹگیر کنگ ءِ جُھد ءَ اَنت۔۔۔بلوچ سلاہ بندیں گلانی ھالتراناں  شنگ کنگ ءَ نہ انت۔۔اے آزاد سسا درنگازی ءِ ھلاپیں۔۔آھاں گوں اے اخباراں لوٹ کنان ءَ  گوشتگ کہ آ آزاد سسا درنگازی ءِ ھیال ءَ بہ کناں اگاں نا گڑا ایشانی  ھلاپ ءَ ترندیں گامگیج زیرگ  بیت۔۔آھاں  گوں بلوچ راج ءَ دزبندی  کُتگ کہ آ گوں راجی شھسواراں  ھوار اے دُژمن رسانکی ادارھانی  دُژمن توجیلانی دیمگیری ءَ بہ کناں۔۔۔۔۔۔ نو  اے  گپ ءَ وا ھر کس ءُ ناکس سرپد ءُ پوھیں  کہ پاکستانی  رسانکدر  بہ  بیت  یا کُجام  ادارہ آھاں  پہ  بلوچاں  ھیر  گون نیست۔۔۔پاکستانی  رسانکدر ءِ دوتل ءُ پوستی چہ ھمے گپاں زانگ  بیت  کہ پنجاب ءَ  اگاں یک کسانیں وئیلے  بہ بیت تا گُڑا اے وتگڑیں رسانکدر گوں  مُلا ءُ افتحاراں  کُلیں دُنیا ءَ سر زیرانت۔۔بلے  بلوچستان ءَ مرچی راجدپتر ءِ مستریں زُلم ءُ  زوراکی  بئیگ ایں۔۔بلوچ  فرزند وتی جندئے گُلزمین ءِ  سرا کُشگ بنت ءَ آھانی لاش ماں چاھراھانی سرا چگل  دیگ  بنت۔۔۔بلوچ ورناہ ءُ نودربر وتی بُنکی حقانی لوٹ ءِ پدا آوار جنگ بنت ءُ آھانی  پُلیں بدن گوں نیزھاں دُرشگ  بنت۔۔۔بلے اے  کوٹکیں دانشور ءُ اے وتگڑیں رسانکدر کور ءُ کریں۔۔۔۔بلے  کراچی ءَ جنکے گما بُھتام ءِ بُنیاد ءَ رینجر یک پنجابی ئے بہ جنت گُڑا اے رسانکدر دُنیا ءَ  سرا زیراں۔۔۔۔پاکستانی رسانکدر ءِ تھا آزاد صحافتی  کرد ھچ  پش  نہ کپتگ۔۔اے  ھما  کنت مُلا ءُ آئی۔ ایس۔ آئی بو گُشنت۔۔۔۔۔بلے  من ھیراناں وھدیکہ بلوچ  سلاھ بندیں گلانی  نیمگ ءَ اے سامراجی زالمیں رسانکدرانی ھلاپ ءَ گامگیجی  زورگ  بیت،،،تا  گُڑا دگراں  بِل  لھتے  مئے  وتی بلوچ  دروشمیں وتگڑیں  کواس  ھم  جاک ءَ  کوکار  کن انت  کہ آزاد صحافت ءِ  سرا اُرش  بیئگ انت۔۔۔بلے  راستی  ایش  انت  کہ آ رسانکی  ادارہ  کہ راستی ءِ  سرا  مہ  بیت  آئی ءَ ھچ وڑا رسانکی ادارہ  گُشگ  نپ  بیت۔۔۔بلکیں اے ادارہ  سامراجی  سسٹم ءِ خطرناک تریں قسماں  کہ اے  پہ  سامراجی  نپانی برجاہ دارگ ءِ ھاترا چیر ءُ  اندری کار کن انت۔۔۔۔ایشانی  مثال چو  ھما گُرک  آسک ئیگ اِنت  کہ لِٹک ءَ ایر پروشنت  ءُ آسک  ءَ  شکار کن اَنت۔۔اے ھمے وڑیں چال  کن انت  کہ ایشانی  رِپک ءُ  ھُنراں بیچارگیں آسک  ھم  سرپد نہ بیت ۔۔۔مرچی  پہ  بزگ ءُ لاچاریں راجاں  پاکستانی وتگڑیں  میڈیا ءِ کرد  ھمیش انت ۔۔۔۔۔