امریکی انصافی کارگس ءَ دو ایرانی شھروندانی سرا ”فرد جرم جتگ کہ اے دوئیں کس ماں واشنگٹن ءَ سعودی سفیر ءِ کوش ءِ توجیل ءَ ھوار انت۔

امریکی انصافی  کارگس ءَ دو ایرانی شھروندانی  سرا ”فرد جرم جتگ  کہ  اے دوئیں کس ماں واشنگٹن ءَ سعودی  سفیر ءِ کوش ءِ توجیل ءَ ھوار انت۔ امریکی  اٹارنی جنرل ایرک ھولڈر ءَ رسانکدر ءَ تران کنان ءَ گوشتگ کہ اے توجیل ءِ سازگ ءَ ایرانی سرکار ءِ مدت ءُ کمک ھم ھوار انت۔۔ سعودی سرکار ءَ اے توجیل ءِ نا سوب کنگ ءِ درگت ءَ امریکی سرکار ءِ منت گران ءَ گوشتگ کہ چوشیں کرد میان استمانی راھبندانی ھلاپ انت۔ دومی نیمگ ءَ ایرانی سرکار چوشیں  کُجام وڑیں گپ رد کُتگ اَنت۔۔ ایرک ھولڈر ءَ گوشتگ کہ پٹ ءُ پول ءَ چہ ھمے سرپدی رستگ کہ اے توجیل ھم چہ ایران ءَ سازگ بیتگ۔۔ اے امریکی رھبنداں ھوار میان استمانی راھبندانی ھم ھلاپ انت۔۔آئی ءَ گشتگ ایران ءَ اے توجیل سازی ئے درگت ءَ الم جواب دیگ لوٹیت۔۔ توجیل سازی ءَ ھواریں دوئیں کسانی سیادی چہ ایران ءَ اِنت۔۔پنجاہ ءُ شش سالیگیں منصور اربابسیار ایران ءَ چہ سیادی داروکیں امریکی شھری ئے۔۔وھدیکہ دومی ئے نام غلام شکوری انت کہ آئی ءِ سیادی ھم چہ ایران ءَ انت۔اے دوئیں ایرانی پاسداران انقلاب ءِ داشتگیں ٹولی القدس ءِ باسکاں۔۔ھولڈر ءِ ردا اے توجیل القدس ءَ ایران ءَ ساز اتگ ءُ اے درگت ءَ 1۔5 ملین ڈالر ءِ تاوان دیگ بیتگ۔۔منصور اربابسیار بیست ءُ نوہ ستمبر ءَ ماں نیویارک ءَ جان ایف کینیڈی بالی پٹ ءَ دزگیر کنگ بیتگ ءُ آئی ءَ اے گپ ھم من اتگ کہ اے توجیل سازی ءَ ھواریں دومی کس گلام شکوری انت کہ ماں ایران ءَ چیریں،،اے توجیل ءِ بُنکی مول ءُ مراد سعودی سفارت کارانی کُشگ بیتگ۔ دومی نیمگ ءَ ایرانی سرکار ءَ اے گپ رد کنان ءَ گُشتگ کہ اے یک وشکندیں ڈرامہے۔۔اے ڈرامہ ءِ جوڑ کنگ ءِ مقصد ماں امریکی تھی ءُ توکی جیڑھاں امریکی الس ءِ دلگوش ءَ دگہ نیمگے ترینگ انت۔۔