وتگڑیں رسانکی ایجنٹانی کرداں ھم ما سرپدیں کہ آ سرکاری لوٹاں پیلہ کنگ ءَ انت . میرک بلوچ

میرک بلوچ ءَ گوشتگ ھائی کورٹ ءِ انوگیں فیصلہ ءِ پژدر ءَ بی۔ایل۔ اے ءُ بی۔ ایل۔ ایف ءَ ھمے راھبند ٹھینتگ کہ کجام یک رسانکی کارجاہ ءُ ھالکاری  رسانکی  لوٹاں پیلہ  مہ  کنت۔۔قبضہ گیر ءِ لوٹ ءُ تب ءِ مطابق ءَ کار بہ کنت تا آ گُڑا زوراک ءِ پلہ مرزانی ردا  چارگ  بیت۔۔ما ھالکارانی مجبوری ءَ سرپدیں  کہ وتگڑٰیں استانی ایجنسیانی  بیم ءُ زوراکی ھالکارانی  سرا ھم استیں۔۔بلے ما اے پشدر ءَ ھچ وڑیں زوراکی آھانی سرا نہ کُتگ۔۔ وتگڑیں رسانکی ایجنٹانی کرداں ھم ما سرپدیں کہ آ سرکاری  لوٹاں پیلہ کنگ ءَ انت۔۔۔اگاں کجام رسانکی کارگسے یا ھالکارے  پہ استانی لوٹانی پیلہ کنگ ءَ سرکاری ایجنٹ ءِ بستار ءَ کار بہ کنت تا گُڑا آ  دژمن ءِ لڑا  چارگ  بنت۔۔۔آئی ءَ ناشناسیں ھندی ءَ فون جنان ءَ گوشتگ اگاں کجام رسانکی کارجاھے وتگڑیں آمیدگس ءُ استانی لشکر ءِ بیم ءَ چہ وتی رسانکی لوٹاں سر بہ گوزیت تا گُڑا ما بلوچ راج ءِ مدت ءُ کمک ءَ درستں پیش ھما رسانکی کارگس یا چینل ءِ سرا پابندی جنیں۔۔اگاں پدا ھم آ بلوچ راجی جُنز ءِ دیم ءَ میلانک بہ بنت ءُ بلوچستان ءِ جاوراں چہ وتی چماں  بند بہ کناں تا گڑا آھانی ھلاپ ءَ سکیں گامگیج زیرگ بیت۔۔میرک بلوچ ءَ پاکی مزن وزیر ءِ تر ءُ گرد ءُ آئی ءِ بے سریں ھالترانے  پژدر ءَ جواب دیان ءَ گوشتگ کہ بلوچ جیڑہ ءِ گیش ءُ گیوار بس جنگ انت ،اے جنگ بلوچستان ءِ آجوئی تاں جاری مانیت۔۔دومی نیمگ ءَ آئی ءَ بلوچستان یونیررسٹی ءِ سپریٹنڈنٹ سیکشن آفیسر ادریس ءُ مخبر نصیر سرپرہ ءِ کوش ءُ پولیس  اسٹیشن ءِ سرا ارش ءِ ذمہ واری من اتگ۔۔۔