کابل : میان اُستمانی سپاھیگانی شپ ءِ چھاپہ گیش بوتگ اَنت

کابل :  دی اوپن سوسائٹی فاونڈیشن نامیں ادارہ ءِ رپورٹ ءِ رد ءَ اوگانستان ءَ میان اُستمانی سپاھیگانی شپ ءَ شھروندانی لوگانی سر ءَ چھاپہ جنگ ءِ کارروائی گیش بوتگ اَنت ۔ پہ ایشی ءِ ایرجنگ ءَ اوگانستان ءَ مزنیں کچے ءَ زھرشانی ھم کنگ بوگ ءَ اِنت۔ رپورٹ ءِ تہ ءَ گوشگ بوتگ کہ پٹ ءُ پولکارانی رد ءَ گوستگیں لھتیں ماھانی تہ ءَ ھم شپ کساس سی انچیں کارروائی کنگ بیت ۔ رپورٹ ءِ تہ ءَ اے ھم منگ بوتگ کہ میان اُستمانی سپاھیگانی کارروائی چَہ پیشیگیناں گھتر اَنت داں کہ اوگان سرکار ءِ گور ءَ چَہ گیش ءَ گیش واک بہ بیت ءُ جنین آدمانی مڑاہ گیش بہ بیت بلے مھلوک پہ ایشی ءَ ایمن نہ اِنت پرچا کہ کارروائی گیش کنگ بوتگ اَنت ۔رپورٹ ءَ ھمگرنچ اِنت کہ اے کارروائیانی تہ ءَ گیشی بوگ ءِ سبب ءَ میان اُستمانی سپاھیگ ءُ اوگان واکدارنی میان  ءَ ناوشی ودی بوتگ ۔