کابل: وت کُشیں تراکے ءَ برھان الدین ربانی بیران بوت

کابل : اوگانستان ءِ پیشگیں کماش برھان الدیں ربانی وتکش تراکے ءَ بیران بوتگ ۔ ربانی 1992داں 1996ءَ ملک ءِ کماش بزاں صدر بورتگ ۔ مرگ ءِ وھد ءَ آ اوگان ایمنی کونسل ءِ سروک اَت ۔ اے اُرش امریکی سفارت خانہ ءِ نزیک ءَ  ربانی ءِ لوگ ءَ بوتگ ۔ زانگ لوٹ اِیت کہ برھان الدین ربانی چندیں واھد اِنت کہ پہ اوگانستان ءِ ایمنی ءَ سک باز سرگرم بوتگ ءُ اے درگت ءَ آئی ءَ پاکستان ءِ ھم سواد کرتگ ۔ھمے وھد ءَ کہ اُرش بوتگ اے وھد ءَ ھم ھپتاد ءُ یک سالی ئیں گوستگیں اوگانستان ءِ کماش دو طالبان راھشون ءَ گوں وتی لوگ ءَ گپ ءُ تران کنگ ءَ بوتگ ۔ اوگان ایمنی کونسل طالبان ءَ گوں پہ ملک ءِ ایمنی ءِ برجاہ دارگ ءَ گپ ءُ تران کنگ ءَ بوتگ تاجک نسل ءِ ربانی ھمے گپ ءُ ترانانی سروک اَت ۔ ربانی ءَ کابل یونیورسٹی ءَ نودربر ھم وانینتگ پمیشکا آ پروفیسر برھان الدین ربانی ءِ نام ءِ سر ءَ ھم زانگ بوتگ ۔اے ھم زانگ لوٹ اِیت کہ ھما اِنت کہ امریکہ ءَ گوں طالبان ءَ ھال ءُ اھوال ءُ گپ ءُ تران بنا کرتگ ، اے رنگیں مزنیں مردمانی سر ءَ اُرشانی تہ ءَ گیشی اَتکگ امریکہ ءَ اے اُرشانی تہ ءَ پاکستان ءِ سرکار ءَ گوں نزیکیں طالبان ٹک حقانی نیٹورک ءِ نام گیپتگ ، ءُ اے گمان راستی ءَ سک نزیک بوت کنت کہ پاکستان اوگانستان ءَ وت ءَڈلگچار کنگ ءِ سبب ءَ گوں اوگان واکدار ءُ امریکہ ءَ ناوش اِنت ءُ اے اُرش ھمے شبین ءَ دیگ ءَ اَنت کہ اگاں پاکستان مہ لوٹ اِیت اوگانستان ءَ ایمنی دورگیں ھبر ے۔