کیچ: بلوچی ساز ءُ زيمل ءِ نامئيں سازگر بَشّام بلوچ ءَ كوڈھیں دُنيا يل دات

کیچ(هال) بلوچی ساز ءُ زيمل ءِ نامئيں سازگر ءُ پهلوان بَشّام بلوچ ءَ كوڈھیں دُنيا يل داتگ ءُ وتى دائمى واب جاه ءَ شُتگ، هالانى رِدا نامئيں سازگر بَشّام بلوچ مرچی سُهب ءِ نماز ءِ وانگ ءَ رَند دل ءِ نادراهى ءَ گور جتگ ءُ نادرهجاه ءِ سر بيئگ ءَ پیسر وتى ابدمى جاه ءَ شُتگ، پهلوان بَشّام بلوچ ١٩٥٠ ءِ دهک ءَ مكران ءِ هَند بلنگور ءَ ودى بيتگ، آئى ءَ دركسانى ءَ گوں  بلوچی ساز ءُ زيمل ءَ هُبّ ءُ واهگ بیتگ ،پهلوان بَشّام بلوچ مُلا كمال خان ءَ پد بلوچی ساز ءُ زيمل ءِ اولى زانوگر بيتگ، آئى ءَ مزن هور ءُ بلوچستان ءِ بازيں دمگاں مراگشاں وتى ازم ءِ درنگازى كُتگ.