گوادر پریس کلب ءَ جاوید نصیر ءِ آوارءِ ایرجنگ ءَ قرار داد پیش کرتگ

گوادر : گوادر پریس کلب ءِ یک دیوانے ءِ تہ ءَ  بلوچ اھوالکار جاوید نصیر رند ءِ آوار جنگ ءِ درگت ءَ یک قراردادے پیش کنگ بوتگ ۔قرارداد ءِ تہ ءَ گوشگ بوتگ کہ  سرکار ءِ سر پرستی ءَ راھبند پرینکوکیں ادرہ ءُ پجارگ نہ بوتگیں دھشت گردانی دست ءَ بلوچ اھوالکارانی آوار جنگ ءُ شکنجہ کنگ ءَ پد کشگ ءِ درچ برجاہ اِنت ۔ داں انیگ ءَ چَہ ھشت ھزار ءَ برز بلوچ اھوالکار آوار جنگ ءَ پد کشگ بوتگ ءُ دنیگت نہ چَہ سرکار ءِ نیمگ ءَ ءُ  نہ بلوچستان اسمبلی ءِ گچین بوتگیں باسکانی نیمگ ءَ اے کار ایرجنگ بوتگ اَنت آھانی بے تواری رزامندی ءَ ھساب اِنت ءُ اھوالکاراں ترسینگ ءُ چَہ کار ءَ دارگ اِنت ۔۔