اسلام آباد : اگاں بلوچ ءَ گوں گپ کنگ ءِ راہ پشت نہ کپت دنیا آھاں من اِیت ' رضا ربانی

اسلام آباد : پاکستان ءِ آئینی کمیٹی ءِ سروک ءُ سرکار ی پارٹی پاکستان پیپلزپارٹی ءِ سینیٹر رضا ربابی ءَ  پاکستان ءِ تہ ءَ چیردستیں راج ءُ اُستاناں واکداری نہ دیگ ءِ کارانی دیم ءَ روگ ءِ سر ءَ وتی نا اُمیتی درشانتگ ءُ گوشتگ کہ اُستاناں بنجاہ ءِ سر ءَ  ءُ بجاہ ءِ اُستانانی سر ءَ باور کم اِنت ۔ بلوچستان ءِ راجدوست ءَ گوں گپ جنگ ءِ یک راھے ھست اے ھم پشت نہ کپ اِیت ءُ دنیا آھانی اے ھبر ءَ من اِیت کہ کہ بنجاہ اُستاناں حق دیگ نہ لوٹ اِیت ۔آئی ءَ گوشتگ  پاکستانی کارراھبند ءِ تہ ءَ آرگ بوتگیں ھژدمی بدلیانی سر ءَ گامگیج نہ زورگ ءِ وتی ءُ کمیشن ءِ بے سوب بوگ ءَ من آں ءُ  نوبت ءِ رسگ ءَ پد ھما سیاستدان ءُ بیوروکریٹاں پدر کن آں کہ آھانی سبب ءَ اشیانی سر ءَ گامگیج زورگ نہ بوتگ اگاں ھژدمی بدلی رول بیک کنگ بوت اَنت گڑا بنجاہ نزور بیت ۔ چَہ رضا ربانی ءِ ھبر ءَ بلوچ راج دوستانی کرتگیں توامیں گپ گواچن بیت اَنت  ءُ ھما راجدوستانی کہ اے ھبر اِش جار کرتگ کہ پاکستان ءِ چیردستیں راجاں واک ءُ حق رسگ دروگیں ھبرے، لیکو راست بوت ۔