واشنگٹن: القاعدہ ءِ رهشون ڈرون اُرش ءَ جنگ بيتگ،امریکہ

واشنگٹن (هال) امریکا ءِ سركار ءَ دعویٰ كُتگ كہ القاعدہ ءِ ماں پاکستان ءَ "چیف آپریشنل کمانڈر" ابوحفص اشہری  ڈرون اُرش ءَ مُرتگ، درمُلكى رسانكى كارگس ءِ رِدا امریکا ءِ سركارى كارِندهے ءَ گوشتگ کہ  القاعدہ ءِ رهشون "چیف آپریشنل کمانڈر" ابوحفص اشہری ماں پاکستان ءِ هَند وزیرستان ءَ  ڈرون اُرشے ءَ مُرتگ، بلے آئى ءَ  اے  گپ پدّر نہ کُتگ کہ ابوحفص اشہری چتورءُ چے پئيم جنگ بیتگ، امریکا ءِ سركار ءِ گوشگ اِنت کہ ابوحفص اشہری "کالعدم تحریک طالبان" گوں هور دهشت گرد اُرشانى رهبرى ءَ كنگ ءَ بيتگ، آئى ءِ مرگ ءَ چہ دہشتگرد نِزور بنت.