جب ' بی این ایم ءِ باسکانی آوار جنگ ءِ ھال راست بوت

حب [ جھگیر ] بلوچ نیشنل موومنٹ ءِ دو باسکانی آوار جنگ ءِ ھال بی این ایم ءُ آھانی کھولاں راست گوشتگ ۔ بی این ایم ءِ بنجاھی فنانس سیکریٹری عبدالصمد تگرانی چَہ حب ءَ زاھد میڈیکل اسٹور ءِ دیم ءَ دموکا بستگیں سلاھبندیں مردماں آوار جتگ ۔ھمے یکیں وھد ءَ کساس شپ ءِ نو ءُ نیم ءَ بی این ایم ءِ گوستگیں کو آرڈی نیٹر ، بلوچ نوشتہ کار ءُ روتاک توار ءِ ھال شونکار جاوید نصیر رند چَہ آئی ءِ کمپیوٹر ءِ دکان ءَ آوار جتگ اِش ۔آوار جنوکیں پاکستانی ایجنسی ءِ کارندہ ٹوڈی ءُ مھران گاڑیاں سوار بوتگ اَنت ءُ تپنگ ءِ زور ءَ دو ئیں راج پھازیں جھدکار آوار جتگ اِنت اِش ۔ جاوید نصیر ءِ ناکو عبدالحمید رند ءَ وتی برازتک ءِ آوار ءِ جنگ ءِ ھال راست گوشتگ ءُ چَہ میان اُستمانی گلاں آئی ءِ درگیجگ ءِ لوٹ کرتگ ۔ھمے درگت ءَ بلوچ نیشنل موومنٹ ءِ نیمگ ءَ شنگ بوتگیں جارے ءِ تہ ءَ توامیں ھنکیناں گوشگ بوتگ کہ آ کلیم اللہ بلوچ ءِ شھادت ، صمد تگرانی ءُ جاوید رند ءِ آوارجنگ ءِ ھلاپ ءَ سرجمیں ھنکیناں چَہ جتی [ اتوار ] ءِ روچ ءَ زھرشانی بنا بہ کن اَنت ۔