بحرین: پہ نوکیں باسکانی گچین کنگ ءَ ووٹ

بحرین: شیعہ فرقہ ءِ منوگرانی چہ قانون ساز اسمبلی ءَ دزکشی ءَ پد مرچی نوکین باسکانی گچین کنگ ءِ ھاترا کچین کاری برجم دارگ بیتگ۔ ھالانی ردا گچین کاری قانون ساز اسمبلی ءَ ھما ھلکاں بیئگیں کہ اپوزیشن پارٹی ”الوفاق” ءِ فروری ءِ ماہءَ دزکشی ءَ ھورک بیتگاں۔ وھدیکہ اپوزیشن پارٹی ءَ گچین کاری ءِ بائیکاٹ کنگ ءِ جار جتگ۔ کچین کاری ءِ وھدا دارالحکومت منامہ ءَ ھور مُلک ءِ بازیں دمگاں پولیس ءُ سکیورٹی فورسز ءِ مزنیں کچے اوشتارینگ بیتگ، ھاسیں سکیورٹی راہ ءُ راھبند ٹھینگ بیتگاں۔ گوستگیں سالے ءَ مُلک ءَ زھر شانی کنوکانی ءُ سرکاری فوج ءِ میان ءَ جنگ ءُ چوپاں چِل مردم بیران ءُ ھزاراں زندانان بند کنگ بیتگاں۔ وھدیکہ بحرینی سرکار ءِ ردا چوشیں کِرد پہ مُلک ءِ نگھپانی ءِ ھاترا کنگ بیتگاں۔