ٹوکیو: جاپان ءَ نوکیں چاروگ سیارچہ یے زمین ءِ چاگردی مدار ءَ راھی کُتگ۔

ٹوکیو: جاپان ءَ نوکیں چاروگ سیارچہ یے زمین ءِ چاگردی مدار ءَ راھی کُتگ۔ ھالانی ردا جاپان ءِ روکپتی ھند تانیگشیما ءِ خلائی سنٹر ءَ ”نیو انفارمیشن گیدرنگ آپٹیکل” سیارچہ ایچ۔ ٹو۔ اے راکٹ ءِ کمک ءَ بُرزا بال دیگ بیتگ۔ جاپان ءِ سئے سیارچہ زمین ءِ چاگردی مدار ءَ پیش ءَ چہ اَستاں۔ نوکیں سیارچہ ھمیشاں چہ یکے ءِ ھند ءَ گِپت کہ آئی ءِ مشن پیلہ بیتگ۔ آیوکیں دو سالاں جاپان دگہ دو راڈار سیارچہ آنی زمینی مدار ءَ دیم دیگ ءِ چِن ءُ لانچائیں کہ آ شپ ءَ یا لوڈ ءُ مُج ءِ وھد ءَ ھم وتی ڈستگیں نشانانی اَکس بندی ءَ کُت کناں۔ چاروگ سیارچہ سی ءُ شش ارب ین ( چارسد ءُ ھپتاد ملین ڈالر)ءِ تاوان ءَ جوڈ کنگ بیتگ۔ او بال دیگ ءَ دہ ارب ین ءِ ھرچہ اَتکگ۔ چاروگ سیارچہ ءِ بیست ءُ ھشت اگست ءَ بال دیگ ءِ کار سرجم بیتگاں۔ بلے ھرابیں موسم ءِ سوب ءَ مهتل دارگ  بیتگ۔