شال : مارا ترس اِنت کہ شاکر شاد ھم کشگ بیت ' وائس فار مسنگ پرسنز

شال : بلوچ مسنگ پرسنز ءِ چیئرمین نصراللہ ءُ وائس چیئر مین قدیر بلوچ ءَ یک بیانے ءَ گوشتگ کہ مارا ترس اِنت کہ ورناھیں چاگردی کارکن ءُ بلوچ نوشتہ کار  شاکر شاد ھم کشگ بیت کہ پاکستانی ایجنسیاں آوار جتگ ۔آئی ءَ گوشتگ کہ نوں چَہ سیاسی کارکناں پد نوں بلوچ چاگردی کارکن ءُ ندکار ھم ترسینگ بوگ ءَ اَنت ۔ شاکر شاد اسلام آباد ءِ یک چاگردی گلے ءَ گوں ھمگرنچ اِنت ۔22اکتوبر ءَ آ چَہ کراچی ءَ وتی گس پیدارک ءَ روگ ءَ بوتگ کہ اورمارڑہ کوسٹ گارڈ چیک پوسٹ ءَ بس دارگ ءُ آ دزگیر کنگ ءَ پد بیگواہ کنگ بوتگ ۔