لیبیا ءِ جنگ ءَ سى هزار مردم بيران بيتگءُ پنجاه هزار ٹپى

طرابلس(جهگير)لیبیاءِ اداركى وزیر صحت ناجی برکت ءَ تران كنان ءَ گوشتگ"ملکءَ خانہ جنگى ءِ سوب ءَ سى هزار مردم بيران بيتگ،پنجاه هزار چے گیش ٹپى بيتگاں،درملكى رسانكدر ءَ آئى ءَ تران كنانءَ گوشتگ كہ اے هساب ءُ داد مارا چے نادراهجاه،لوكل سركارءَ قذافىءِ پيشى باجو بيتگيں کمانڈراں چے دزكپتگ اَنت،آئى ءَ گوشتگ اے هساب ءُ داد گیش هم بيت كنت،چار هزار مردم انگت بيگواه اَنت،بيت كنت كہ بيران بيتگ اَنت ءُ بيت كنت كہ قذافى ءِ زندان ءَ اَنت ،آئى ءَ گوشتگ بيران بيتگيں مردمانى گيشتريں كساس كَل كنگ بيتگ اَنت،خانہ جنگى ءَ پد پجّار ءِ واستہ دوباره در كنگ بنت،كُمک كاريں گلاں كرنل قذافى ءِمنوگرانى دست ءَ كُشتگیں مَردمانى چيريں قبرانى درگیجگ بُنگيج كُرتگ.