واشنگٹن: ايف.بى.آئى ءَ شَكّى ئیں امریکی جاه منندى ءِ اَكس شنگ كُرتگ

واشنگٹن:امریکی چيريں اداره ايف.بى.آئى ءَ "نائن الیون"ءِ اُرشاں ده سال گوزگ ءَ رَند یک رندے پد ءَ  دھشتگردانى اُرش كنگ ءِ پشگردءَ يک شَكّى ئیں امریکی جاه منندى ءِ اَكس شنگ كُرتگ،هَندى ٹی وی ءِرِدءَ ایف بی آئی ءِ واکداراں جار جتگ بيست ءُ دو سالى امریکی جاهمنند "جوڈ کینن محمد" کہ بازيں وهدے پاکستان ءَ گوازينتگ۔ايشى ءِ نام ایف بی آئی ءَ ده طلبى ئیں مَردمانى لڑءَ هوار كُرتگ۔ امریکی سركار ءِ رِدءَ "جوڈ کینن"ءِ نيمگءَ نائن الیون ءِ اُرشاں ده سال پوره بيگ ءَ رند يک برے پدءَ اُرش كنگءِ توجيل سازگ بيتگ۔جوڈ کینن القاعدہءِ هما راهبراں هواراِنت كه آئىءَ دو هزار شش ءَ هائى اسكول يلہ داتگ ءُ  پاکستان ءَ شُتگ۔پاکستان آئى ءِ پِت ءُ پيرُكانى ڈيھ اِنت۔شمالی کیرولینا ءِ گرینڈ جیوری ءَ 2009ء ءَ جوڈ کیننءِ هوارى ءَدگہ سئے مَردماں دُنيا ءَ بازيں بمب اُرشانى بُهتام جتگ۔