واشنگٹن ' اُسامہ آپریشن جواے بوتگ ' اوباما

واشنگٹن [ جھگیر ] امریکہ سرکار ءِ کماش بارک اوباما ءَ گوشتگ کہ اسامہ بن لادن آپریشن یک جواے بوتگ من ءَ گوشگ بوتگ کہ اے یک ترسناکیں آپریشنے ۔  گوں رسانکدر ءَ یک گند ءُ نندے  ءِ تہ ءَ اوباما ءَ گوشتگ کہ من ءَ وت ھم باور نہ بوتگ کہ ایبٹ آباد ءِ یک کمانے ءِ تہ ءَ اُسامہ بن لادن بہ نشتگ یا ناں ۔ اسامہ ءِ مرگ ءَ پد آپریشن ءِ درگت ءَ وتی اولی رندءِ ھبرانی تہ ءَ اوباما ءَ گوشتگ کہ چَہ  یک مئی ءَ کمے پیسر سی آئی ءَ من ءَ ھال داتگ کہ ھپتاد درسد باور اِنت کہ اُسامہ گوں وتی کھول ءَ ھمے کمپان ءِ تہ ءَ اِنت ۔ بلے بیست ءُ ھشت اپریل ءَ سیکورٹی ءِ سر ءَ تجزیہ کنوکانی یک ٹیمے ءَ گوشتگ کہ اد ءَ آئی ءِ بوگ ءِ سر ءَ ایوک ءَ چل درسد گمان اِنت ۔ گوشتگ ئِے کہ  ما نگیش اِتگیں جاورءِ سبب ءَ گڈی اَدار ءَ اے آپریشن ءِ ھلاس کنگ ءِ ما نزیک ءَ رستگ اِیں ۔اگاں اے آپریشن سوبمند مہ بوت اِیں گڑا دمگ ءِ تہ ءَ ایشی ءِ برورد پہ ما جوان نہ بوتگ اِت اَنت ۔