کراچی ' لیواری ءِ چار پوریات کنوک ایم کیو ایم ءِ دھشت گرداں آوار جتگ

کراچی [ ھالچار ] لیواری ءِ چار ورنا کہ کراچی ءِ جتائیں دمگاں پہ لاپ ءِ شوھاز شتگ اَنت   ایم کیو ایم ءِ دھشت گرداں آوار جتگ اَنت ۔ اے ھال ءِ لیواری ءَ سر بوگ ءَ پد مھلوک ءَ ھُر جتگ ءُ دگانی سر ءَ اَتکگ اَنت  ۔  بلوچ باھند کرتگیں مردماں  شاھین چار راہ [ چیل چوک ] ، شیر شاہ ، کھارادار ، بغدادی ، جوڑیا بازار ،بولٹن مارکیٹ ءِ پجیگ ءَ دگہ بازیں بازار بند کرتگ اَنت ۔ھما اِنت کہ کراچی ءَ پی پی پی  گوں ایم کیو ایم ءَ ھمدست بوتگ ءُ سرکار ئِے ٹھینتگ ایم کیو ایم ءِ دھشت گرد یکوی  بلوچاں ڈلگ ءُ ریچگ ءَ اَنت چَہ آھانی دست ءَ بلوچ جنین آدم  ھم پھریز نہ اَنت ءُ ھردے کہ آھانی دلکش اِیت آ چوش لشکر ءَ بلوچانی سر ءَ پر ریچ اَنت ءُ کس داروک اِش نیست ۔