مس یونیورس : بہ چار چوش تین ءَ جڑک اِیت

سائو پائو لو : انگولا ءِ سیاہ تابیں لیلہ لوپس  سال  2011 ءِ یونیورس ءِ شررنگ تریں جنک منگ بوتگ ۔ بیست ءُ پنچ سالی ئیں لیلہ انگولا ءِ شھر بینگوئلا ءِ نندوک اِنت ءُ بزنس اِیڈمنسٹریشن ءِ نودربر اِنت ۔ برازیل ءِ شھر سائو پائولو ءَ  برجم داشتگیں اے ھپتمی یونیورس شررنگیں جنکانی میان ءَ رنگ چکاس ءِ مراگش سرجمیں دنیا ءَ کساس دو ارب مردماں ٹی وی ءِ  سر ءَ لائیو چار اِتگ ۔اے رنگ چکاس ءِ تہ ءَ ھشتاد ءُ نو شررنگیں جنکاں بھر زرتگ چَہ ایشاں لیلی کہ وتی نام ءِ پیم ءَ سیاہ تاب اِنت چَہ درساں شررنگ تر گچین کنگ بوتگ ۔ گمان بیت کہ گچین کاراں ناکو فیضک ءِ ھما سوت گوش ءَ کپتگ کہ رنگ ءَ مہ چار دوستی مہ کن ۔ چَہ اے گچین ءَ الم اسپیت پوستیں جنک دلپروش بوتگ اَنت ءُ لچہ کار جیڑگ ءَ لاچار بنت کہ نوں آ شررنگیءَ  گوں شیر ءَ ھمدرور کنگ ءِ بدل ءَ  ھدامرزی مولوی عبداللہ پیشنی ءِ پیم ءَ گوں تین ءَ ھمدرور بہ کن اَنت ۔ بلے لیلی گوش اِیت کہ آئی ءِ براھداریں بچکند آئی ءِ سوبمند بوگ ءِ سبب بوتگ ۔