جاپان: ایٹمی ٹیکنالوجی ءِ کارمرزگ ءِ ھلاپ ءَ زهر شانى

جاپان: مرچی جاپان ءِ شھر ٹوکیو ءَ ایٹمی ٹیکنالوجی ءِ کارمرزگ ءِ ھلاپ ءَ روانکے کشگ بیتگ۔ روانک ءَ شست ھزار مردم ھوار بیتگ۔ ۔زھرشانی کنوکاں ایٹمی یکنالوجی ءِ کارمرزگ ءِ ھلاپ ءَ بینر ھم گون بیتگ۔ آھاں چہ جاپانی سرکار ءَ دزبندی کنان ءَ گوشتگ کہ جاپان ءَ ایٹمی تیکنالوجی ءِ کارمرزگ ءِ سرا پابندی جَنگ بہ بیت۔ آھاں تران کنان ءَ گوشتگ کہ فوکوشیما ءِ ایتمی کارگس ءِ ترکگ ءَ چہ مھلوک ءَ بازیں جانی ءُ مالی تاوان رَستگ۔ جاپانی سرکاری کارندھانی نابودی ءِ سوب ءَ ملک ءَ ایٹمی تابکاری بیمناکیں ھَدے ءَ وداِتگ۔ اے تابکاری ھزاراں مردمانی نادراھی ءِ سوب جوڈ بیت کنت۔