ایران ءَ میان اُستمانی راھبند پروشتگ اَنت ' امریکہ

ویانا : امریکہ ءَ چَہ ایران ءِ نیمگ ءَجوھری جیڑھانی درگت ءَ گپ ءُ تران کنگ ءِ ھمے  زوت ءَ  بوتگیں پیشکش رد کرتگ ءُ گوشتگ کہ تھران میان اُستمانی راھبندانی ھلاپ روگ ءَ اِنت  ۔ ھال رسانیں ادارھے ءَ شنگ بوتگیں ھال ءِ تہ ءَ داتگ کہ امریکی ءِ  ڈیلی گیشن ءِ  سروک گلائن ڈیوس ءَ گوں اھوالکاراں گوشتگ کہ چَہ اُستمانی ریاست ایران ءِ نیمگ ءَ بیوکیں گپ ءُ تران ءِ پیشکش ءِ تہ ءَ جھانی زور مندانی بے تاھیریاں دور کنگ ھچ رنگیں اشارہ دیگ نہ بوتگ وھدے کہ ایران وتی ذمہ واریانی پیلو کنگ ءَ ھم سوبمند نہ بوتگ ۔ آئی ءَ گوشتگ کہ ایران ءَ مدام میان اُستمانی راھبند پروشتگ اَنت ءُ ایٹمک پروگرام ءِ سر ءَ پیش گامی جنان اِنت ۔